الــــدلة المبروكه مساكم الله بالخير يا الاخوان ان شاء الله مبسوطين بالحيل
التطبيل وما ادراك ما التطبيل ياناس وش حله عند اغلب الكتاب وبعض الاعضا !!!
تدرون ما رمى سهم دلة الا التطبيل اللي ماله اي داعي السهم كان له اهداف ولكن التطبيل اختصرها على المضارب وفرغ شحنته قبل الاهداف وهذا ريحه كثير من عنا التدوير لفترة طويله عند اهدافه الحقيقية لكن امس كل ما عرض شالوه النشاما ماركت وعلى اي سعر !
والله شريتها بـ 75 بنا على معلومة قوية وامس نفس الشخص قال تخارج من السهم دامك كسبان ولا ترجع الا تحت 80 او انا اعطيك خبر واليوم على النسبة يقول لاتفكر تشتري ابد . لكن اذا المواضيع والتوصيات والتطمينات ماشيه ماراح افكر فيه لانه راح يكون زي امانه لمن كانت بـ الثلاثينات نامت نومه طويله بسبب التطبيل لين نسوها الناس ومن عقبها عينك وما تشوف .
اذا المضارب جمع كمياته بمتوسط 10% وشد السهم 30% وجت له الفرصة على طبق من ذهب راح يصرف اغلب كمياته بكل سهوله وبتذبذب 5% زي امس طبعا الكميات المتبقية راح يضغط فيها السهم الى وين الله اعلم
دله ما امداها تطب الارض الا حاطين لها مؤشرات دخول وشاراتات وشموع توصلها السماء !!! وهدف اكثر من تدبيله !! اللهم صلي وسلم على نبينا محمد .
لكن انا يوم اكتب ها الموضوع ابيه درس لاصحاب التطبيل اللي اتمنى انهم يعقلون وتصير سوالفهم سنعة مو الواحد يسدل مكرفونه وهاتك حراج ! الى متى ؟ يعني ما اكتفيتو من الدروس الماضية شوفوا اسهم التطبيلات حقت التدبيلات وش صار فيها دبلت او انثبرت. |