رد: ما افضل اشتراك انترنت اسمع يامدير كبير
اخوك جرب كل شيء بالنت stc وموبايلي وجو وزين وقديما اوربت
اهم شيء مو الشركه الاهم موقعك والابراج
عندك جو كنسلها نهائيا السرعه دمار ماتتعدى 2 الداونلود حتى والابراج عندي فل اصلا تحس انهم بقاله فروعهم عباره عن كشكات بالمولات فتخيل ماعندهم فرع زي الناس
موبايلي والاتصالات راح تدوخ فيه ناس تمدح وناس تذب
اتصالات كانت بالدي اس ال ممتازه لكن تعمدت ابطائه حتى يمشي سوق البرودباند 4G لدرجه كثير الغوا الدي اس الم وتوجهوا ل4G
موبايلي ناس كثيره اختلفوا عليها على حسب التقاط البرج وقوة الاشاره وهو يشتغل ال 4Gاو مايشبك الا على 3G ومنهم احد اخواني مو راضي يشتغل ال4Gمافيه تغطيه رغم انه بموقعهم يوضح انه تحت التغطيه غير ان ابراجه دمار برجين لدرجه اني اخذته للسطح الموديوم ونفس الاشاره دمار
زين يمدحونها كثير خاصه البردباند لكن مشكلتهم هل يشتغل عندك هل هناك تغطيه ماعليك من خريطه التغطيه بموقعهم نصب ومشكلتهم هم وموبايلي الاستخدام العادل يعني ان كان فيه ضغط على البرج قلت السرعه على الجميع بخلاف اس تي سي اللي ماتستخدم الاستخدام العادل
الان وش تختار موبايلي او اتصالات او زين
اسمع خذ برودباند 4G اتصالات من اي شخص وجربه بالبيت وتاكد من ابراجه اشارته وقس السرعه وجربه وان ماضبط جرب موبايلي ثم زين قبل لاتتدبس
واذا ماعندك احد تاخذ منه خذ لك شريحه بيانات ابو كلب شهر اهم شيء 4G وجربه بجوالك ان ضبط فعلم ان البرودباند اقوى وافضل من شريحه البيانات واليواس بي
انا جربت اتصالات وموبايلي وجو وكلهم مافيه تغطيه والاشاره برجين وسرعه ضعيفه
وجربت زين شريحه بيانات تعطيني 3 ابراج وسرعته ممتازه فبشتري الموديوم حقهم اكيد اقلها اكثر سرعه وابراج
وان كانت الابراج 3 باي شركه فيه انتنا اريل خارجي ب320 هواوي تركبه بالسطه وتوجه على البرج يلقط الاشتره لو على بعد 3 كيلو ويقويها يخليها فل |