مصاب جلل [poem=font="Arabic Transparent,6,black,bold,normal" bkcolor="transparent" bkimage="backgrounds/30.gif" border="solid,6,black" type=2 line=0 align=center use=ex num="0,black""]
يالله ياللي من ترجاك ما خاب=يالعالم بكل الذي صار ويصير
ياللي فتحت لمن ترجاك الأبواب =واليا عطيته ما نقص منك قطمير
فينا القصور اللي بلا شك مجلاب=للفتنة اللي جات بأسباب تغيير
فتنة نعوذ بها وتحتار الألباب=شرٍ ويطرد شر مفقود يا خير
يا رب حال الأمة اليوم مرتاب=شيٍ نشوفه يذهب العقل ويطير
اليا بذلنا أسباب ما فادت أسباب=لا ما نشوف ألاّ فالأوضاع تأخير
يدعيك شايب والنساء وايضا الشاب=بإنك عفوٍ لا حصل أي تقصير
انت الملك ما غيرك ملوك والقاب=بأمرك يكون الكاف والنون والسير
ادحر لنا ظالم وطاغي وكذاب= اللي نوى بالناس قتلٍ وتدمير
لجل إننا سنّة على نهج وكتاب=ذاك النصيري يجزي القوم تعزير
يذبح ولا يرحم ولا هابه حساب=وانت القوي يا رب لا غير لا غير
عجلّ لنا نصرك وترتاح الاهداب=اللي غدى في نونها ضيقة وضير[/poem] |