 معشوق الخسائر وقصيدته في ( مذهلــــــــهـ )
معشوق الخسائر ارسل هذه الرسالة في منتدى مجاور
وهذا نصها
كيفك يالزميل
بشرني عسى الامور تمام
ياطويل العمر اليوم تصافقت الهواجيس في راسي وطلعت بها القصيده
في البنت اللي اسمها مذهله اللي في المنتدى الاخر
وانا لست مسجل في منتداهم
اذا كنت أنت مسجل في المنتدى هذاك
ياليت تنزل القصيده لها بالمنتدى
ولك الشكر
إلي سنه وانا على الرجم بادي # واصيح وانادي لكل الحلاحيل
امجاهدً كثر الخساير اجهادي # ولاحدً درابي لعنبوكم ياريجيل
واليوم جتنا للبشاير تنادي # بنت الرجال الصاملين المشاكيل
اشيوخ قومً يحتمون الشدادي # يوم انها بالسيف واملافح الخيل
يفداك جيلً ينطرب مع عبادي # مانهم اللي مثلكم وافي الكيل
لا يا مبراطورة جزيل المبادي # يفدونك الريجيل جيلً بعد جيل
يا طارحة سوق الشنب والزنادي # ويارافعة سوق العيون المكاحيل
لا سمْعك الهامور جاه ارتعادي # تقول حامت فوقه اطيور ابابيل
يبيد لو ماله ببنكه ما بادي # يامهلهلة روس الهوامير تهليل
أي والله امدح لك ولانيب غادي # ومن لا مني يحتاج للمخ تحليل
هو ما درى بالتوصيات الوكادي # في منتدى السوق السعودي ياريجيل !!!!
سحابةً سيًل بها كل وادي # واروت كبود ً ناشفه ما بها حيل
كم جايعً حدًه من الجوع حادي # ومن عقبها تقول بطنه بطن فيل
شبعان ويغني معا كل رادي # ويدعيلها التوفيق في تالي الليل
غطت على الطائي معا ابن المهادي # منها المكارم مقفيات ومقابيل
قولولها وقت الليال الشدادي # تطلب لنا واتشوف منا التهاويل
والله لناقف دونها بالهنادي # وحنا لها درع وحصون ً مكاميل
ومشكور أولا واخيرا
شكرا لك اخي الحبيب معشوق الخسائر ونحن في انتظارك لكي تشاركنا في المنتدى | 
