السلام عليكم ورحمة الله وبركاته
في ليله الجمعه دقو علي الجوال __ قالو توفي أبراهيم ابو العطيفه
لا و الله إلا راح زحـــل الرياجيـــل __ شيخ الكرم والطيب رمز الشجاعـه
راعـي مجـالــس للنشامى مداهيــل __ اللي بنى قصــره براس الـرفـاعــه
في مجلسـه تلقى رجـــالٍ مشاكـيل __ يقول هلا للضيــف وكــل الجمـاعـــه
مايـــذبح إلا الحشو ويقــدم الحـيل __ وعنده على صــرالـدراهم منـاعــه
للمرجلــــه يشــرب خيــار الفناجيل __ ماهي غريبــه حـاش طيبه ذراعــه
اسس وشيد ديــرته صـــالب الحيل __ حتى أكتمـل مبنــاه وزاد أرتفاعـــه
وبنا مســـاجدهـــا لجيـــلٍ بعد جيـل __ تصدح بصوت الحق في كل ساعـه
العمــر رحلـــه والليالــي محابيــــل __ لابــد نشـــرب من كــدرها جـراعــه
يالله عســـى ماواه جنـــان مضاليـل __ وفي وداعــة الله ماتضيــع الوداعــه
ويمطر على قبــره سحــابٍ هماليـل __ شيـخٍ تعلــى المجــد دنيـــأ وطاعــه
شيـــخٍ على لســـانه ذكـر وتهاليــل __ ونهج السلف يحرص مشى بإتباعـه
يارب أنــا بـــدعيك في تالـــي الليــل __ ترحــم فقيدنا بعطف وشفاعــه
وصلو على اللي حارب الظلم والميل __ اللي سما بالــدين وانهى أبتداعـــه
الله اغفر لوالد اخونا العطيفه ونور قبرة واجعل قبره اول منازل الجنه وموتانا وموتا المسلمين
اخوك / سعود
.
.