|
اول رحلة لي للقنص قصتي اللي بقولها عن اول رحلة صيد وقنص في حياتي ومن بعدها وانا كل يوم في راس ضلع والله يسامح من كان السبب المهم اسمعوا للقصة الاليمة تخاوينا نتصيد يافلان يقولها المقرود اللي رجوله كنها سلك مواعين مايمشي في الجبال الا حافي قلت اتصيد ايه وكلام ايه نقز المقرود الثاني خاونا ياولد جرب والله ماتندم الوبارة والبراد وشعب البريديه المويه شلالات فيه والرعي تختفي الغنم فيه والله وينغزني الشيطان على قول الشمري قلت كم تجلسون قالوا يومين انت بس قول تم قلت تم تم يوم الله اراد لي البهذله وش اسوي ذحين يالربع قالوا اخذ لك ثوب ملون وجزمات وشرشفك ومخدتك واركب بس ياولد ثوب ملون ماعندي قال واحد منهم اللي يمشي حافي بسيطة يالله لمحل ثياب جاهزه واخذ عفشي واتقربد معهم في البترول النيسان ونمر المحل واخذ ثوب الدفة قال الحافي وعمامة وعمامة براسه كلبوه قلت عمامه ايه وليه قال عمامه ملونة لازم كيف فيه قناص يروح بدون عمامه قلت امري لله وعمامة وعمامه اخذنا العمامه المهياه وركبنا موترنا وشخطنا من جدة متوجهين صوب مكان المقناص وانا افتح فمي معهم هرجتهم من يوم حركنا البندق الفلانية منتازه والدربيل الفلاني منتاز مرينا بقالة وتقضينا وصلنا لمكان المقناص وانا في اخر طرقة الساعة 3 الظهر ونزلنا وقضينا العفش وفرشنا فراشنا تحت سلمه مدري سمرة في هذيك الفترة ما اعرف اميز بين الشير على قول الحافي ولا جلسنا زين الا وينط الحافي قال ابروح اسبر ( بالشدة على الباء ) ابك تسبر كيف قال قوم معي والبس ثوبك الملون هيا خلك حر واقوم واتلبس واتشنقط بالجزمات طيب كيف ياعمو اشيل معاي بندق قال لا لا هالمرة تدرب ويالله مع هاك الوادي هذي حصاة ادربيها وهذي حصاة ترضني وحنا قيظ الشمس حامية والشاقة تصطلي تقول انا في فرن وانا الهث والحافي ماهو يمي بيني وبينه 10 متر عيونه فالحيال في جو ثاني وكل شوي يشر لي وهو منبهني قايل لي اذا اشرت اقف وعلى هالحال ونتناول لنا جبل قال هيا ذحين انتبه لاتصوت وخل مشيك خفيف وانا في خاطري اقول خفيف هاه لا والله ابدربي فالحصا لين تقول بس وهذا انا عظامي ماتقلني من الصعود وهو ينبر يامسلمين من حصاة لحصاه ويشر بسرعة ونظراته صارت غريبة في ومن الفجعه جلست مكاني وتدربيت انا براسي هالمرة ماهي حصاة واجلس فالشمس يمكن نص ساعة صلختني صلخ الشمس وانا بيني وبين نفسي اقول وابوها حالة التوبة وميت نوبة هذي زغرت النعم ان كان اعجبتكم اكملتها عصر اليوم ان شاء الله |
رد: اول رحلة لي للقنص هههههههاي واصل ياذيب احلى مرررمطه مرمطة الوباره |
رد: اول رحلة لي للقنص مافهمت شيء هههه |
رد: اول رحلة لي للقنص ونكمل ويأشر لي الحافي بيده يعني تعال بعد نصف ساعة في الشمس صرت طماطم واطلع متحرص اني ما اطلع صوت مثل ما وصاني الحافي ولا مشيت خطوتين الا قرقع قرقع مدربي كم حصاه ههههه واقف مكاني من الاحراج الا خوينا يقول تعال سقطت سقطت ابك اللي سقطت اش هيا قال اش هيا اش هيا تدربي في الحصى وتقول اش هيا الوبارة سقطت في حيلتها عزبة كبيرة يمكن 50 وبر عاد بعدين عرفت ان الخمسين هاذي لزوم المبالغة قال الحافي يالله بنجلس لها في مترس قريب منها واياني واياك تتحرك او تشرب سجاير او تتحرك مرة ثانية يقولها ما باقي الا يقول لاتتنفس وسوينا المترس وتبربكنا فيه وانا حالتي حالة رجولي تكسرت ثانيها على جسمي والشمس غابت ماطلع لنا شي قال يالله بنرجع للسيارة ولخوينا عرفنا مكانها بكرة نجيها قلت اضحك علي اذا بكرة رجعت معك قال الحافي اخليك ترميها بكرة بس بعد ما اطرح الغداء عاد في نفسي قلت دام فيها رمي بروح معاه ونزلنا من جبلنا ومع الوادي وانا مثلي اليوم حصاه تشوتني وحصاه اشوتها ويوم اقبلنا على السيارة الا فيه رجال وولده ولد يمكن عمره 15 سنة والتيس معلق فالشجرة والولد يصلخه هذولاء مين يالحافي قال هذا فلان واحد من جماعتنا اللي ساكن في بداية الوادي اللي مرينا من عنده وحنا جايين بيته على الطريق وشكله عرف انا جايين وجايب الذبيحة كرمه لنا ونكملها لاحقا ان كنا من الاحياء واقول لكم قصة ولد الشايب اللي سميته موكلي وموكلي ولا شي معاه وقصة السرعة الزايدة اللي معه شي غريب جدا وكمان ياويلك لو تسب عيسى الاحسائي وتقول ماهو فنان :) الى اللقاء |
رد: اول رحلة لي للقنص اقتباس:
بس القسم الثاني منها بصراحة مدري وش يقول :D |
رد: اول رحلة لي للقنص عساك عالقوه أنا متأكد إنك بكل ويكند بتتصل عليهم من يوم الاثنين تقول للشباب هاااااااااه في مقناص الاسبوع هذا هههههههههههههههههههههه |
رد: اول رحلة لي للقنص متابعينك الله يسعدك يالقناص :) |
رد: اول رحلة لي للقنص ههههههههههههههه كمل كمل |
رد: اول رحلة لي للقنص كمل يا بطل حقيقه اسلوبك مميز في سرد القصه |
رد: اول رحلة لي للقنص ذكرتني بالايام الخوالي ترا بعض الدِللا ( جمع دليل) مصايب متحركة:D كمل الله يقويك |
| الساعة الآن 10:36 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir