مركز السوق السعودي - غرام احباب حزن حامد شعر

[ALIGN=CENTER][TABLETEXT="width:70%;background-image:url('http://www.mrkazksa.com/vb/backgrounds/22.gif');"][CELL="filter:;"][ALIGN=center]عـلى ذاك الطريق اللي يسمونه غرام أحباب
وطت رجلي على دربه ولا أدري وش نوى فيني

تـبعته لآخـر دروبه .. ألين أن القمر قد غاب
تـعب قـلبي ، ولا تـعبت مـسافاتٍ تـوديني

لـقيت الليلة الجردا : هدب ظل وسما واعشاب
بـعـد ذاك الـظلام الـلي يـتوهني عـناويني

صدفتك معجبه فيني وياليت .. الغرام : اعجاب
وتـراك انـتي الـهنوف اللي هقيتك تستحقيني

عـطيتك عشق من قلبي .. وسلمت لغلاك رقاب
وغـيرك يـحترق قـلبه ولا يـقدر يـحاكيني

أنـا قبلك صدفت عيون لكن ويش جاب لجاب؟
تـرى كـل الـعيون الـلي لـقتني مـا تكفيني

رمـاني حـظي الـعاثر عليك وجيت لك طلاب
ولا أنـتي اللي عشقتيني ولا انتي اللي عتقتيني

تـعالي واعـتقي ذاك الـخفوق المولع المرتاب
مـهب لاجـلي ، عشان الله يجازيك ويجازيني

تعدي في سما عشقي ولو عشقي خراب أصحاب
وصـوني بـالهوى نفسك قبل لا انتي تصونيني

وشـيليني عـلى مـتنك : خفوقٍ باريٍ منصاب
ومـن فـوق الغرام العذب .. شيليني وحطيني

ولا مـنك هـقيتيني شـجاع ومـا يطيق يهاب
أنـا لـك بـالهوى والله مـثل ما انتي هقيتيني

أنـا مـا أمـشي ورا غيرك ولو أنه يطق الباب
وتـرى عيبٍ عليّ أطعن .. ولو كثرت سكاكيني

زهـودٍ مـا يـطيق الـدم لا دايـن ولا طلاب
شـجاع وعـارفٍ نـفسي وأظـن أنك تعرفيني

غيورٍ ما عرفت أضحك مع العذر ببّرود أعصاب
أبـيع عـيوني الـثنتين قـبل أنـك تـخونيني

إذا شـد الغرام .. اترك خفوقي : بين ناب وناب
لـفرقىً تـكسر ضلوعي .. ولا عشقٍ يوطّيني

أنـا رجلٍ ولي غيره .. وإذا شفت الهوى كذاب
تـثور بـقلبي الـفزعه ولا تـهدى شـياطيني

سـؤالك لـو يـزعزع بي كياني ما قبلت عتاب
اجـي لـك وأسـالك نفس السؤال اللي سألتيني

عـن الـعشق القديم أبواب .. تقفيها كثير أبواب
بـعد ذاك الـحبيب الـلي خدعني وانخدع فيني

أبـي عشق تحسب له كل نظرات العيون حساب
وابـي قـلبٍ علي قلبي ، وابى دينٍ على ديني

وابـي نظرة عطا توفي ولا تخلف بدون أسباب
وابـي مـنك قـبل لا نتي تصديني .. توديني

وابـي دربٍ عـلى العذال صعبٍ متعبٍ غلاب
وابـي نـفس الطريق الصعب يبعدهم ويدنيني

تـرى لـو للقلوب عيون ولدموع العيون أهداب
حـشى مـا تـنزل الـدمعه لغيرك لو تركتيني

أنا أول من عرف قدرك وأنا توي صغير وشاب
وابـي مـنك مـا دام أنـك عـرفتيني تحبيني

مـا دام أني لقيتك في طريق أسمه غرام أحباب
دخـيل الله ، وبـعد الله دخـيلك .. لا تـخليني

مـا دام أن كل من يحيا على وجه التراب تراب
عـسى تـنساني الـدنيا مـادام أنـتي ذكرتيني

[/ALIGN][/CELL][/TABLETEXT][/ALIGN]