ياطير حظك
 

0http://store3.up-00.com/June12/FuD63520.jpg
0
ياطير حظك بالجناحين حلقت
للبعد ولقطع المسافات ضاري

لو مطلبك روس النوايف تعلقت
فيها ولو تجري عليك الجواري

لاتشتكي ضيقة ولاضامك الوقت
ولا فيك هم الا هموم الحباري

وانا على شوك الليالي تسلقت
لين ارجحت هزيمتي بانتصاري

لو اعلم بغيب الليالي ترفقت
لكن ماغير الله عن الغيب داري

ولاكان نمت الليل كله ولا فقت
لين احترق زادي على جمر ناري

لا الحظ ساعدني ولا انا توفقت
حتى الزمان اخلف مساره مساري

وغربت وين وليه مدري وشرقت
اطارد الما في سراب الصحاري

وتسكرت كل الدروب وتوهقت
وعييت ارد ولا اقتنعت بقراري

يالله وانا اللي ماعصيتك ولا بقت
انك ماتجعل مثل ليلي نهاري

لو شفت نور للسعد كان روقت
لكن حتى ما لنوره مواري

كم لي وانا اهوز الدروب وكم انسقت
مع كل درب وكم يطول انتظاري

وين انت ياللي تلتفت كل ماضقت
ماعاد لك حتى مع الناس طاري

العام كنت ارفق براسك الى ارفقت
واصبحت لي في كل شي استشاري

واليوم كنك للمشاهيب لحقت
ولا عوين للزمن بنكساري

ياليت حتى باتصالك تصدقت
يمكن يرد من اقشر الوقت ثاري

رااقت لي

اول مشاركه لي هناا [/CENTER]

رد: ياطير حظك
 

اسمح لي ابدي اعجابي بقلمك وتميزك واسلوبك الراقي وتالقك

رد: ياطير حظك
 

رد: ياطير حظك
 

اللي بقى لـي مـع الأيـام .. وفّيتـه
والضيق لـو ينهمـر تشربْـه وديانـي
. .
ماهي كبيـره علـي والحـزن غنيتـه
وْلاهـي غريبـه إذا وقتـي تحـدانـي
. .
الخوف .. يا من نبشت القلب وادميته
لاعشت زهرة شبابك وانت وحدانـي!!
. .
كم جرح خذْته من الأحباب . . ضمّيتـه
و جروح قلبـي زكـاة لْـ حُـبّّ خِلاّنـي
. .
مطعون ؟ عاااادي ،، جفا الأقراب ؟ داويته
تعبان ؟ مبطي ،، ردى هـ الحظ ؟ خاوانـي
. .
صدمه ؟ بسيطه ،، هَوان الحال؟ مرّيتـه
مقرود ؟ أدري ،، وإذا حرمان؟ عدّانـي
. .
ما فاح هـمّ ٍ لـك الله مـا تقهويتـه
ما مـرّ حـزن ٍ بغيـري مـا تبلاّنـي!
. .
ياما ويامـا مـن الخـذلان .. عديتـه
إلا بـ صاحبْ .. بعد عِشـره تناسانـي!!
. .
أزريت لأنسـى غيابـه ليـن ناديتـه
والمـوت لامـن تجاهلنـي وجافـانـي
. .
وينه يجينـي .. وكـل عْتـاب كنّيتـه
ياليت يدري بعد فرقـاهـ وش جانـي!!
. .
من كنت طفل ٍ و انـــا أرجـاه فـي بيتـه
شيّبت.. واثره على هالحـال خلانـي!
. .
حتى جنـاح العَتَـب لرضـاهـ ذليتـه
ماطِرْت بعده فـرح مـن ذلّ جنحانـي
. .
يا قلب صبرك .. ترى كل شيّ سويتـه
ما كان أفضل من اللي كـان بـ إمكانـي
. .
لو بيّ قـوهـ علـى الهجـران ؟ خليتـه
لو بـيّ ذرهـ مـن النكـران ؟ يفدااانـي
. .
الجرح أرحم .. إذا يرجع مـن أغليتـه
مجروح ؟ فِدوهـ .. ولكن صعب وحداني

رد: ياطير حظك
 

رد: ياطير حظك
 

بارك الله فيك قصيدة رائعة

رد: ياطير حظك
 

مشكوووووور والله يعطيك الف عافيه

رد: ياطير حظك
 

بارك الله فيك قصيدة رائعة

رد: ياطير حظك
 

مشكوووووور والله يعطيك الف عافيه

رد: ياطير حظك
 

جزاك الله خير

والله يعطيك العافيه