المشاركة الأصلية كتبت بواسطة ابو راكاااان (المشاركة 1575270)

يامل قلب بين خمسة وعشرين=هجس وهاجوس وعدلٍ ومايل
يديرهن دولاب الافكار تسعين= بالصدر ينشر دقهن والجلايل
واصبحت منهن جايز كود تنتين= سعدى ومصقول يداوي الغلايل
وخماسيٍ غمق صوابه وجوزين= الى اقرنوا قحص المهار الأصايل
يادارنا من جاك جيناه عجلين= بالليل نسري والصفر والقوايل
فان كانهم عنا بالانشاد محفين= من الراس ما نعتاز دز الرسايل
ناتي مع اول سربةٍ وقم الافين= كن الشهربه ديدحان المسايل
حضر الجبل والبدو نلحق صليبين= يتلن لنا جملات سود الجدايل
جينا صباح وهم لنا مستكنين= وثارالدخن من حر صلو الفتايل
حصل لنا عقب المواصل وفا الدين= وراعي السلف ردت عليه الجمايل
عجاجةٍ تجلي صدا القلب ياحسين=دبيلةٍ ما مثلها بالدبايل
كم ميمرٍ داجو عليه الغلامين = خلوا دماغه عن علابيه مايل
ربعي مروية السيوف المسانين= خلو صفا بقعا من الدم سايل
اللي ذبحت بشذرة السف تسعين= منهم، ولاني عن طردهم بسايل
ذبحت ابو صالح سعوط المجانين = ودعيت دم الشيخ بالقاع سايل
واللي وطينا ما تشوفه محبين=والكذب تنفاه العلوم الصمايل
جونا يبون ديارنا والبساتين= يبغون منزلهم قفارٍ وحايل
واليوم يبغونا وحنا معيين = نجدع بحد السيف من جاه عايل
وادلي على ربعه يسوق الفرامين= فيدة عماهم تايهين الدلايل
يصيح مثل البارحة ماهنا شين=ولا حصل له كود قطع الوصايل
يقول جده يوم صولة هل الدين= قادوا عليهم ذاهبين الحمايل
واللي عطوا حق الديار :الهزازين= وحنا الى عدت علوم القبايل
ربعي على حرب المعادي ضريرن= من سابقٍ كسابةٍ للنفايل
أغداه بالمكحول خرط الفراقين= وعرضاتهم في مشرفات النثايل
أطاع حكي الذايدي والسلاطين=وقبله (لويبان)رمي بالحبايل
ناس يبون العز منهم ذليلين= وش قال مشعان بهم بالأوايل
عندي له اللي يلبسون التوامين=الى اجذبوا شروى بروق المخايل
يتلون عيد الضيف ريف المساكين= الشيخ أبو متعب عزيز النزايل
إن سلم راس الشيخ حنا عزيزين= نرجيه من معطي العطايا الجزالي
الى بغا امرٍ مايطيع المشيرين=الحيد شيال الحمول الثقايل
وصلوا على قنديل سكن الحجازين= راعي المقام المعتلي والوسايل
مني عدد ما شمع اللبن بطين= أوما لبيت الله تشد الرحايل

المشاركة الأصلية كتبت بواسطة ابو خاااااالد (المشاركة 1575490)

لا أحد يلومهــــــــــــا الحــــــــــــــــــــــــب عذاااااااااااااااب :D:D

المشاركة الأصلية كتبت بواسطة جبرني الشوق (المشاركة 1575645)

من اقبح صفات المرأة انها تتزوج شخص ومازالت تتذكر حب غيره