بسم الله الرحمن الرحيم
لا اله الا الله الحي الذي لا يموت
لا اعرف من وين أبدأ ، ولا اعرف كيف انتهي ، اقسم بالله الذي جّل جلاله اتي شعرت بغصة لم اشعر بها الا عند فقد غالي وليس فقد اي شخص .
سمعت صوته ، وطربت لضحكته ، ولا انسى يوم يتصل فيني ويقول لي تعال لي يا ابو جود عند النياق وتعال شوف الوضح ، وتعال نشرب الحليب ونسمر ونسولف وننبسط .
اقسم برب الأرض والسموات اني اغبطه على هكذا حب من الناس ، من شاهده ويعرفه ، ومن لم يشاهده ولم يعرفه ، فسبحان من حبب الناس فيك حتى دعوا لك وتصدقوا عنك وبذلوا لوفاءك .
ابيات بسيطة هاجت بها مشاعري
يا سعود غبت وخاطري منك ما طاب=في ليلة الجمعة لفاني خبركم
يا سعود بين اموات مدفون بتراب=هذا هو المكتوب هذا قدركم
يا سعود ما ندري وش العلم وأسباب=لكنّنا نؤمن بربٍ أمركم
هذا القضاء بالخير والشر فكتاب=ما فاد لو تجمع له أقصى حذركم
ليتك تشوف بعينك دموع الأحباب=اللي بكت فرقاك واللي ذكركم
يا ما طرقت الباب وتجاوب الباب=استفزعك وتقول تبشر ظهركم
كنت السند يا سعود للشايب وشاب=واليوم أكدت الرحيل بسفركم
مسامحينك يا ابيض الوجه غِيّاب=ومحللينك دام يبقى أثركم
ندعي لك الله جنة الخلد وأصحاب=ويغفر لكم ما كان سر وجهركم