يا هاجسي لا جاء للأشعار ميعاد
اقلط على معنى وهات القصيده
ابدع لنا في وصف مركز ورواد
ماهي قديمه ودنا بالجديده
من عام الأول والمخاليق في واد
كله وحوش وتنهش اللي يريده
الربح يوم انه غدى بين حساد
ما ودهم للمسلمين الرغيده
حياه عاشوها الم والألم زاد
الين صار الهم دم ووريده
واليوم لا بالله وعلم به وكاد
اشوف فالبعض الملامح سعيده
في مركز السوق السعودي به اجواد
االلي تدل الخير للناس سيده
رجل ومره ومحلل وذاك نقاّد
يغوص فالتحليل جاب المفيده
ما قول كامل به نواقص ووش عاد
ما يكمل الا وجه خالق عبيده
اللي كتب لله مخلص ليا زاد
ندعي له الله يا عسى الله يزيده
واللي وراه علوم تخفى للأشهاد
حسيبه الله فالليال الشديده
اقولها من قلب مخلص لكم راد
فالمركز التوفيق والله شهيده
اني على وضح النقا وانتم عباد
صلوا على الهادى دليل العقيده