يا احميد صـدق أن الوجيـه اتشابـه=لاكـن بوقـت الطيـب كلـن وله سـوق
كلـن علـي قــدّه يفصــل ثيابـه=هــذا الصحيـح وكــل مطـرود ملحـوق
(الذيـب) يقنـب لاسمــع لــه ذيابـه= وإلا (الثعــل) مجلـد بغاره ومخنـوق
مسكيـن مـن يطـرق على( الطيـب) بابـه=و(الطيب) قفـى عنه والبـاب مصفـوق
مـن لا كســب طيبـه علىأول شبابـه=يمـوت ما والله رقـا منزله فــوق
(الرجـل) يشعــب للمراجـل اركابـه=يتعـب علـى (العليا )ولـو حولها طـوق
يرقـا علي (العليا) بـذوق وذرابـه=مايلتفـت فـي هـرج جاهــل ومطفـوق
واللي تنحـى دون سلــم القرابـه=ماعـاد لـه بين (العـرب) شـف وحقـوق
يعيـش مثـل (البـوم) وسـط الخرابـه= لا فعـل يفخـر به ولا طيـب منطــوق
ذليــل نفـــس وعايــشٍ فـــي كـآبه=شاربـه مـاعــزّه بيمـاه محلـوق..!!
مـن هـاب عدوانـه فـلا له مهابـه=يمسـي ويصبـح عن هـل الطيـب مفهـوق
(الذيـب) عــزّه ياعـرب راس نابـه = وإليا انكسـر نابه علي الراس مطقـوق..!!
للشاعر : خالد بن سكران