سهم العمــر .. سهم الأحلام .. سهم المنصات .. سهم الطفره بالآحرى .. هلموا ياسادة أقرأ الموضوع لو هو طويل .. ربما تستفيد وتدعي لي
بالبداية أعذروني .. على العنوان ولكن .. هذا هو الواقع
عطوني سهم واحد كان عليه تطبيل وبلفظ سهم الطفره او الاحلام او التدبلات ودبل
عطوني سهم واحد دخل معه بعض المتداولين وحققوا ارباح ولو 60% بفتره وجيزه
عطوني سهم واحد دبلت معه وانت كلك ثقه بان السهم هذا موصي عليه فلان علني بالمنتدى وتحدى فيه
كل المصطلحات هذي بالتأكيد أو بالعربي ( ورطتنا وحاستنا وخلتنا نعيش بأوهام )
ياشباب نصيحه والله نصيحه والله نصيحه أخ لأخوانه
من عام 2006 وانا في السوق ومتابع له .. وكل سنه السيناريو يتكرر مع الارتفاعات وإن وصلت للنهاية
تكون خسران من رآس مالك .. لا تسلم عقلك لاهل التدبيلات مهما كان ثقه ولا محلل بارع
ما فاز بالسوق إلا أصحاب الهوامير ومن يملك معلومه أكيده أكيده
ولا أنت فكر معي شوي .. ارتفاع السوق الماضي الآن هل إستفدت منه .. ارجع للعمليات التي اجريتها
هل هنالك ربح أقل شي 50% مع الارتفاعات السابقه الجواب للأغلب بالتاكيد ( لا )
أجل ليا متى وحنا على هالموال .. ليا متى ..
المال عديل الروح .. وكلمه ياليتني والله ما راح تنفعك مستقبلاً
السوق .. مضاربي بحت .. ضارب وخذ رزقك واطلع
السوق موجود موجود ..
الشهر فيه 22 يوم
تخيل مضارباتك يوميا 1% بأسوء الظروف .. لو تعرف نقاط الدعم والمقاومه راح تحصل 1% بالتأكيد
يعني بالشهر 22% من يحصل بالشهر 22 بالميه ..
العمارة يالله تطلع لك 10% في السنه .. وأنت تآخذ 22% كل شهر
يعني تدبل بالسنه رآس مالك وأنت مرتاح
القناعه كنز لايفنى ..
أكثر واحد في السوق كان يحلم أنه يكون هامور أنا .. وبالآخير طلعت أضحك على روحي
كنت انتظر التدبيلات وأن السهم موال نسب .. وبالنهايه لا نسب بالعكس نزول وقله حيا
دخلت في العالميه .. وانا متاكد وعارف نقاط السهم انه راح يحقق الهدف وان ماتجاوزها راح يرجع يختبر
النقطه السفليه .. وانا لا جنيت ربحي ولا استفدت .. بل العكس ماارتاح إلا إذا كنت خسران والشاشه محمره
لكن من النزول السابق .. حطيت حد خلاص وقف وش قاعد تسوي يالشادن تضحك على روحك
طلعت من العالميه بعد ماكسرت نقطه هامه في السهم وخرجت وقفلت الشاشه وقلت الوعد الاسبوع الجاي
طلعت من السهم 51 واليوم 43 وانا برى السوق يالله ماالطفك ..
تقريبا 18% تحت السهم .. الآن عرفت قيمه المضاربه اليوميه .. وان السوق غدار غدار
نصيحه
خذ فطير وطير .. وماضيعنا إلا الاحلام واهل التدبيلات ..
نصيحه أتركوهم .. وتعلم التحليل الفني المبسط
وضارب واقنع في ربحك .. وخلك قنوع
شايب عندنا في المنطقه يدخل يوميا ويآخذ من السوق 200 ريال ويطلع
سواء آخذها بدايه التداول ولا اخر التداول المهم يطلع كسبان واذا نزل السوق بغته .. خلا السهم ياما يركد
ويشوفه يتداول عند نقطه ويرتد منها وقتها شراء وعدل بسعر اضخم من السعر اللي شراء .. ومع الارتداد طلع بربح وخرج من السوق .. وعلى الموال من ثلاث سنوات ..
هو الربحان الوحيد في سوق الاسهم والبقيه خسران ليش
القناعه القناعه القناعه ياناس ياعالم
لا يعرف منتديات ولا تحليلات ولا ناس تصرف ولا ناس توصي
مقتنع ان رزقه ماراح أحد يآخذه .. ومن هالمبدأ دخل السوق
فنصيحه ..
حكم عقلك .. قبل تداولك في السوق حكم عقلك
لاننا شعب ما نعرف ناكل بطرف الملعقه .. إما بكامل الملعقه ولا بلاها
همسه
المحلل يوم عطاك التوصيه
هل تابعها معاك وشارككـ خسارتك ونبهك بالخروج .. هنالك قله من يفعلها
فمان الله
ابو عهــد |