رد: استفسار للاهميه ٢ السلام عليكم ورحمة الله وبركاته ..
هلا والله بأخوي التاج وجميع حضور مجلسك الطيب ..
أشوفك تسولف كثير عن الجبس .. وقلت أبي أعطيك علمي :
الرجال قصدي الجبس الي كان ( دخله ) يكفيه في بيته .. هو وزوجته وأثنين من عياله .. مدري وش بلاه وصار مزواج وكثروا العيال الله يطرح فيهم البركة .. وصار دخله ينقص مع كثر العيال .. ويوم الأمور مبروكه والأمور ماشيه .. ويوم وصل له الحال في هالسنتين .. صار لك عليه شوي (( بدأ يهتز ويرقل )) ..
وهو الله يهديه مكبر البيت ومكثر الغرف ودوراة المياه ( تكرم ومن يسمع ) .. صارت هاليومين عليه التكاليف زايدة .. (( لا هو الي ضبط وضعه لمثل هالأيام .. ولا هو الي يقدر يفتك من طلبات البيت والعيال ومصاريفهم )) ..
المهم أن الرجال هاليومين ماودي أقول لك أنه رايح فيها .. لكن أقول أنه يعاني ..
وأنا أقول والقول لك :
(( مجاور السعيد يسعد )) وكله بأمر الله .. ورفيقك الي أنت خابره .. معذور هاليومين .. ورأيي خله مع نفسه الين الله يرفع عنه .. ( وما يدريك يمكن يفتحها الله عليه في السنتين الجاية من هنا ولا من هنا ) وقتها الكلام يبي يتغير إن شاء الله ..
وإن بغيتني أتحرى لك عن رفيقك ( تراها أسعد اللحظات ) ..
عاد أنت أعذر رفيقك .. والأمور ما تجي مثل ما تبي .. هذا وسلامتك والجميع .. |