رد: ارجو ان تسمحولي بالمغادرة ونحن في القمه تكفى ترا تكفـى تهـز الرجاجيـــــــل
ولولا ظروف الوقت ما قلت تكفــــــى
تكفى يا مزيد ما يبا العلم تفصيــــل
المشكله كبرت على عماش تكفـى
ما قلت تكفى غير من فترة الحيــــل
وانته ولد من يفعل الطيـب تكفـــــى
انخاك من كثـر العنـا والبهاذيـــــــــل
الفقر حطمني .. وانا ازريت تكفــــى
غديت مثل اللي برك ضامه الشيـل
تضحك بي ضعوف الرجاجيل تكفـى
يومٍ لك وقفه .. وجاه .. ومداخيــــل
ما نغتني عن مثل شـرواك تكفـــى
افزع ترا وقتي غـدى كنـه الليـــــــل
والعلم ما يخفـاك يالقـرم تكفــــــى
ما عاد بي شده ولا عاد بي حيـل
ضــدتني الايـــــام والقـلّ تكفـــــى
اروح وارجع ما حصلي محاصيــــــل
والرجل بادت يا فتى الجود تكفــى
واليوم عندك يا رفيـق المشاكيــــل
العذر ما ينفع وانـا قـول تكفــــــــى
حيثك من اهل الطيب واهل المفاعيل
يا زبن من جاله ومن قـال تكفـــــى
الجيب فاضي واليالـي مقابيــــــــل
عجزت اعيش مع الرجاجيل تكفـى
والراتب المحدود يروح تحويـــــــــل
من الاداره لاهل الديـن تكفـــــــى
حتى عيالي ما قدرت الهـم الكيـل
والازمه لا جات صديـت تكفـــــــــى
ارجى الفرج والله يجيب التساهيـل
واعيش في راحه مع الناس تكفـى
والله كريم يبـدل الحـال تبديــــــــــل
وما قلّ دلّ وصامل الهرج تكفــــى |