اهداء الى الغالي سعود اهداء الى الغالي سعود الي مهما مدحته مراح اوفيه حقه
الطيب فرصـه والجمايـل توافيـق & ومن لا توفق ماكتب لـه جمالـه
ومن لارقى للطيب روس الشواهيق & مازان له وقته علـى مـا بدالـه
وما دام لفعول الجمايل عشاشيـق & كسب الجمايل ما يجـي بالسهالـه
ولوأنّها تشرب مـع فكّـة الريـق & كل خذا له كل مـا أ صبـح بيالـه
والطيب منوه للقلـوب المشافيـق & كل ٍ يتـوق ومنوتـه رآس مالـه والمدح مايزهى على الرجل ويليق & إلا لا صـارت وافيـات ٍ خصالـه يستاهلـه رجـلٍ يفـك المزانيـق & اللي يقـال ونعـم لا جـا مجالـه ومن ساقته نفسه وهو مابعد سيق & لأجـل الجميـل يزيّـن الله فالـه
والمرجله ماهي بتحتـاج تنسيـق & من بين قلب اللي عشقهـا وبالـه ومن عادة الدنيا تخـون المواثيـق & تفتـرّ مكرتهـا سـواة المحـالـه
ولولا اللوازم ماعرفنـا المخاليـق & مانعـرف الرجـال ليـن انعنالـه والكفو تظهر فزعته حـزة الضيـق & وينشاف في الشدة بعيـن العدالـه نسل الرجـال متعّبيـن الملاحيـق & متوسط مـن بيـن عمـه وخالـه
واللي يطيق ولابغى قـال ماأطيـق & تحرم عليـه المرجلـه والشكالـه
والهيّنه تكبرعلى الـلاش والهيـق & له في الرخاء قاله وفي الضيق قاله
والطيب شاره والضماير صناديـق & واللاش طيبه مـا تعـدى ظلالـه
وأنا اسبر قلوب الرجـال المغاليـق & والصامت اقطع غايته مـن مقالـه ومادام في الدنيا رجـال ومطاليـقن & صيتهـم والـلاش مالـي ومالـه |