[poem=font="Simplified Arabic,5,darkblue,bold,normal" bkcolor="sienna" bkimage="backgrounds/23.gif" border="solid,5,darkblue" type=2 line=0 align=center use=sp num="0,black""]
ليت الغلا في داخل الصـدر ينشـاف = وافضـح غـلاك المستتـر بالادلـه
افرد لك ضلوعي .. لو ضلوعي نحاف = واطلعك عن قدرك .. وتعرف محلّـه
واذا ادركت نفسك مفاهيـم الاجحـاف = قلت السلام .. ( ودرب روحي ) تدله
ياللين القاسي .. ويالناعـم الجـاف = سيف التجافي وش يحـدك تسلّـه ؟
البعد عنق .. وجارف الشوق ..سيّاف = ياقف علـى عنـق الغيـاب ويذلّـه
ياآسري من كثر ما احتجت الانصاف = عليـك .. شهّـدت النجـوم المطلّـه
شهّدتها بإسم الغلا كـل مـا اعـاف = نـاس ٍ غيابـك ودهــا تستغـلّـه
ماتدري ان الحـب عاداتـه اعـراف = لو تِجرح الاعراف .. في الحب خلّّـه
امّا اختلال ٍ فـي معاييـر الاهـداف = والا ّ انحـلال ٍ فـي طبوعـه ودلّـه
وانا على ماكنـت عفـوي وشفـاف = صمتـي كـلام .. ونيتـي مسفهلّـه
مانيب من ربع التحـزّب والاحـلاف = ولا ابّت الايمـان الغليظـه ..جبلّـه
حطيت لك في صدري فراش ولحـاف = وسادته روحي .. والاضـلاع ظلـه
قلبي مجلـه تحـوي اوراق وغـلاف = وانـت الغـلاف المحتـوي للمجلّـه
وان عودت حياتي اربـاع وانصـاف = الـي عقـد حبـل المفـارق يحلـه
قلبي بخيـر ولاعلـى قلبـي خـلاف = طاريك يسـوى عنـده الكـون كلـه
ماهـوب متهيّـب ولاهـوب خـوّاف = من كلمـة ٍ فـي خاطـري مستقلـه
دوّنتهـا بالعمـد فـي قفلـة القـاف = كلمة غـلا مـن فكـر خـل ٍ لخلـه
واللي خلقني لو تمـادى بالاسـراف = ما احب احـد غيـرك ولا قالـه الله[/poem]
رآقت لي كثيرآآآآ
ليت الغلا في داخل الصـدر ينشـاف 
رد: ليت الغلا في داخل الصـدر ينشـاف 