 رد: [[[[ مسك .. والجبس .. درس عملي في المضاربة ]]]]
انتهى الدرس الآن
ولكن بقي أن أذكـــّـر بشيئ بسيط جداً
وبعد ذلك أعود لأردّ علي مشاركاتكم واحد واحد
الشيئ البسيط الجداً هو مايلي :
شغلة استخدام المؤشرات التقليدي لم أرها مجدية
اذا تقاطع الماكد الى الأعلى اشتر ..واذا تقاطع للأسفل بع
بس ؟
بهذه البساطه ؟!
ياسلااااااام .. اجل كل واحد يروح يتعلم هالحرفين ويصير هامور
اول ماتعلمت هذاالكلام
مرّيت على برج المملكه وانا اناظر له بنص عين كذا واقول : تسااااااوت الروس يابو خالد
كلها سنه باذن الله وتشوف برجي بجنبك .. لا ويمكن اشتري برجك بعد واظمــّــه لبرجي
الآن ياسمو الوليد بن طلال عرفنا سرّ ثروتك
اثاريه الماكد اذا تقاطع فوق تشتري في البورصه العالميه واذا تقاطع تحت تبيع
خلااااااااص اصبح سرك مكشوف
كنت ماشي مع طريق الملك فهد واحسب ارباحي
اقول مائة الف تصير ميتين الف
والميتين تدبل تصير اربعمائة الف
والاربعمائة اذا دبلت تصير ثمانمائة الف
واذا دبلت الثمانمائة الف تصير مليون وستمائة الف
وهكذا
المهم شوي الا وانا املك عشرين مليون كاش بأقل من سنه
من غير المنتجع اللي في سويسرا ومزرعة الأبقار اللي في الدينمارك
والطائرة الخاصه
صرت انظر للراجحي والوليد وفتيحي الذهب بأنهم ولاشي ...
خلاص باتجاوزهم بمرااااااحل خلال 10 سنوات بس
تكون المليارات تلعب لعب بين يديني
ايه
ماكد بس يتقاطع فوق اشتري يتقاطع تحت اببع وانتهى الموضوع
ومن زين الطبايع المدرب اللي دربنا معطينا مباشر برو مجاناً هدية الدورة نسأل الله السلامه
والله مادري كيف مشت علينا وقبلناه
مساكين ماكنا ندري نحسب مافيه برنامج اسهم الا هو
اخيراً اكتشفت بأنه أخيس برنامج على الوجود
رسومه البيانيه تجيب لك العمى وشموعه تجيب لك القولون
اول مره اشوف شمعتين لاصقه ببعض وشمعه ممتده من أدنى الصفحه الى أعلاها
طويييييييييييييييييييييييييييييييييييييييله وكلها ذيل
ههههههههههههههههههههههههههههههههههههههه
بعد ماعرفنا الميتاستوك والتكرتشارت وباقي البرامج عرفنا قيمة الحياة
صرنا مثل اللي انتقل من بيت طين الى قصر على اربع شوارع
تلاقيه يقول كيف كنت عايش بذاك البيت الخايس
يحمد ربه على النعمه ويتأسف على حياة البؤس اللي كان فيها
اكيد استرسلت
لا ويجيك يقول الآر اس آي اخترق الـ30 اشتر
ويوم جينا نطبــّـق الا خساير في خسااااااير
يتقاطع الماكد للأعلى نشتري يكبس ابو ابونا
يتقاطع تحت ونطلع يرجع يتقاطع ثاني مره فوق وابدا اسطـّــر نفسي كفوف بالغرفه من القهر
بعدها مريت برج المملكه اسلم عليه واقول انا آسف على الكلام اللي ذاك اليوم
ترى ماكنت بشعوري كان مغمى عليّ
المهم
المتوسط المتحرك نترك سالفة اذا تقاطع الـ8 مع الـ10 ماتوا اللي يسوون كذا
ونستخدمه كدعم ومقاومه بطريقه احترافيه
ثم نعلم بأنه لكل سهم متوسط خاص فيه لابد أن تكتشفه انت بنفسك
متوسط الـ20 يوم
ركــــّــبناه على مسك
تراه مايركب على كل الأسهم
كل سهم له متوسط متحرك يتناسب معه
كذلك الماكد انظر الى انفصال الماكد عن الهستقرام وتناقص الهستقرام واربطه مع خطوط الترند
يعني اذا انفصل عن خطوط الهستقرام وبدأت الخطوط تتناقص هنا يقولك يامسلم تعال حلل السهم
الآر اس آي
اتصلت فيه امس
قلت السلام عليكم
قال عليكم السلام
قلت كيفك يا مؤشر القوة النسبيه
قال بخير ونعمة من الله ..
قلت بالله انا قاصدك بخدمه مادامك لسلوس وحسحوس وتحب اللسلسه ورى الهوامير
اذا طلعوا طلعت معهم واذا نزلوا نزلت معهم
قال آمر وش بغيت
قلت ابغاك تكفا اذا الهامور بغى يرتد في السهم تعلمني علشان اشتري
قال اولاً حسن اخلاقك معي وتكلم زي الناس
ثانياً الهامور يحركني ما احركه انا
قلت يعني انت ذنب للهامور
قال بالضبط
لكن شف
باعطيك علامه
قلت وشهي
قال اذا شفتني تحت الـــ30 حلل السهم
قلت طيب يقولون انك اذا اخترقت الـ30 فوق نشتري
قال لاتصدقهم .. كذابين
الله من واحدٍ سحبته على وجهه بهالطريقه
اقول حلل سهمك واعتمد على نفسك بس واترك الكلام الفاضي
واذا شفتني فوق الـ70 حلل سهمك بعــد
لايغرونك اللي يقولون لك اني اذا كسرتها للأسفل بع
ترى والله ورطت ناس كثيرين بهالاسلوب
قلت اكيد
قال عطيتك العلم خذه والا خله
قلت لا بالله اخذته مادامه من راسك وانت صاحب الشان
وش لي بوكالة يقولون
| 
12-08-2018, 02:09 PM
رد: [[[[ مسك .. والجبس .. درس عملي في المضاربة ]]]] 