رد: كوكتيل >أعضاء المركز< صفحه مفتوحه سجل حضورك ... ( إجازه اخر الاسبوع ) ...!!! ((وتسبيااات ))!!!!
الله حق كانو أهل الكنانة أهل النكت، وذلك لوجود طبقتين
حيث أضمحلت الطبقة الوسطى، فما صار؟، الطبقة العليا
المخملية، كلهم صاروا"أتكيت"، ولذا أنشغلت الطبقة الدنيا بتأليف
الشعر، والنكت وغيره، على الأقل للتعبير عن ماهم به ويوسعون صدر الطبقة المخملية.
الآن في أرض الكنانة ومنذ منتصف عهد مبارك تقريبا
قضي على الطبقة الدنيا، وصاروا بح.
وفي عام "2006م" نشأت هذه الطبقة لدينا
ولكن ربعنا موب متعودين على التبطح على النيل
بران وضبان، لذا حطموا الرقم القياسي اليوم
في "الفتاكة" واللكاعة وكل مايخطر على بالك.
وبعد "البيبي" موب المولود البيبي الي هو، ثم الوتس أب
أخ منه ،،،، يصيدك في كل مكان.
++(توسيبات)++،،، واليوم كلن يقول وسب وسب
وفلها وربك يحلها،،،،،
أها مثل هذا ،،،، لين طاح الواحد، بلكي زلق، أو أفترت ركبته وطحت على جبهتك
يقولون: ( أحسن، تستاهل ،دواك، تتأدب ، الله فوق)
يقول الضعيف إلي طاح، والله أحس كني أبو لهب طحت بين مسلمين!!!!
......
وإلا هذا !!!! يقول إذا مرضت ورحت للمستشفى، ولين رجعت، قالوا هاه
عطوك علاج،،،، أجل عطوني ماك تشكن سوبر سايز !!!
......
أوما عاد هذا الله حق ضعيف، يقول، لين صحيت من النوم ونزلت تحت
ولين كل العائلة موجودين في الصاله ، ثم يسألوني بصوت واحد، "هاه صحيتا"؟
أجل الي قدامكم "سروالي وفنيلتي"،،،، قفطه هذه ، تثبت أن أننا أبو سروال وفنليه في كل الأحوال،،،،خخخ
......
هوهوه أموا هذا ،،،عز الله مافيه حيله، يجي لدورة المياه، والباب "مؤصد" قوه، ثم "يغلل في الباب"
ولين مافتح، يقول في الحمام "أحد"!!!، لا فيه جني معه إمساك،،،،
......
عاد ذي جازت لي بالحيل،،،، يقول ليه؟ عندنا فقط من بين كل الشعوب لين صار مهاوش
يقول الطرف الثاني ،،،إنكانك ولد أبوك ألمس!!! ليه الأخ كهرب 420 فولط....خخخخ.
.......
يا الله عاد الحين الباقي عليك وعلى الأعضاء،،، بأروح اروز "شمعة البرتقاله"
لي فيها مأرب أخرى. |