أبنصحك عن خايبين المجاليس
عاشر حكيم الرأي والنذل خله
رَجلً ليا جيته هروجه مفاليس
ورَجلً ليا جيته أبَد ما تمله
ورَجلً إذا شفته تعوّذ من ابليس
ورَجلً تشوف بوجهه الخير كله
ورَجلٍ يعكر دنيّته بالدنافيس
ورَجلً به الأيام عَيّت تحله
ورَجلٍ يهدم دنيته بالوساويس
ورَجلً يعَقد الرّأي ورَجلً يحله
ورَجلً حياته كل أبوها عواكيس
ورَجلً حياتَه مثل ما قِيل فَلّه
ورَجلً كلامه مثل ضرب الدبابيس
ورَجلً كلامه مايجي فيه زَله
ورَجلً لأجل رَبعه يجيب النواميس
ورَجلً يجيب الكارثه والمذله
ورَجلً يصرّ المال في داخل الكيس
ورَجلً على المحتاج ماله يهلّه
هذي وصايف قلتہا لك بتقييس
وانت الفہيم . وكل دربً تدله
لو الفقر ضـيفن ،، وحنا معازيب
يا مرحبا بالفقر دقه وجله
الفقر ماهو عيب تدري وش العيب
إنك غني والبيت محد(ن) يدله
سعد بن جدلان الاكلبي