 رد: شوش رادار الفكر عندكك وضعيت .... أول مشاركه
منال الشهري دكتوره تقول اللي يجيب راس علي عبدالله صالح او عبدالملك الحوثي اتزوجه
وردوا عليها الناس بعده قصائد
لاكن هالحربي خربها 😂😂😂👇
منال شرطك صابني منه وسواس
ليش المهر في راس كلبن يماني
يابنت لو حنّا على وقت جساس
جبنا لك الراسين أول وثاني
بالرمح والشلفا على قّب الافراس
يبين فعل أهـل الظفر والجباني
عيــال راشد هم هل الـعّز والبـآس
تاريخهم معروف قاصي ودانـي
عدوّهم وقت اللقاء دوم ينداس
عقب الطمع يرجع بذّل وهواني
شلفاء الفريدي ضربها يقطع أنفاس
ورمحه يفّج الصدر بين المحاني
هاذا كلام الصدق ماني بهّلاس
قولن على برهان ينطق لساني
تاريخنا بالطيب تدريبه الناس
ماينمّحي لو طال عمر الزماني
لاتقهرين مّعرب الجّد والساس
ماعاش من يقهر عريب المجاني
وش لِك بدم وضرب يارهيّف احساس
ياللّي من الصرصور صـابك جنـاني
وش فيك ماقلتي أبي مهري ألماس
ياأم النعومه والدلع والـحناني
وش عرفّك للسيف والرمح والفــاس
والليل والبيداء وســرج الحصـاني
بقول لـك حـاجه ولا تــدري الناس
من بعد ما ربّي بمثلك بــــلاني
اذا المهر بالراس لك عنـدنا راس
راسن منه تنسين راس اليمانـي
😡😡😡😡😡😡😡😡
👇👇⚡ ⚡⚡⚡👇👇
👇👇 مجاراه للقصيده 👇👇
خربتها يامعرب الجد والساس
بآخر بيوتكك ضاع جزل معاني
بدايتك لبستها عقد واللماس
ونهاية الملبوس كشف الصواني
ربعكك لهم في هامة المجد مجلاس
وتاريخكم معروف قاصي وداني
حرب العزيزه يوم قب الافراس
نعم وكفو إلا أنت مالكك مكاني
بنت الجنوب بشرطها ترفع الراس
قصده تعيد بشرطها شي فاني
تاريخ فايت يعرفونه اهل الباس
عذرى وتشجع جيشها بالاغاني
إسأل وتلقى ماذكرته مع الناس
وتعرف وش اللي دار وسط المحاني
وإن كان قصدكك راس وتفخر بهالراس
ماكل من يحمل راس حقق اماني
لو الرجوله مثل ماقلت تنداس
خلكك مع ربعكك بتلقى غواني
مثلكك يخاف الظل وتضيع الانفاس
وبالليل ماتحرس قطيع المقاني
ولو عشت في وقت المسمى بجساس
عملتها بثوبككك ومثلكك جباني
#ابوسعود .. فيصل المشرافي |