رد: لااله الا الله .. وش العلم يالربع والله فجعت بوفاة سعود ابو عبدالله كبر الحدث ما جت عليه القصيده = وهي من أول لي على طول تنقاد
غص القلم نشف المداد بوريده = تكفين يا عين النكد هاتي إمداد
ومنين ببدى في أمور عديده = وكيف ابتدي والقلب في حزن وحداد
فيا الله يامن حكمة العبد بيده = يارافع سبع السماء مالها أعماد
يا خير من يسأل بوقت الشديده = يافرد يا معبود يارب لشهاد
أجبر عزاء من بات يبكي فقيده = من بات طول الليل في هم وسهاد
ورحم عضيد لي ونا له عضيده = راعي الجمايل والمكارم ولمجاد
راعي الفعال الطيبه والمجيده = وصاحب جمايل طايله مالها اعداد
يارب نشهد له بدين وعقيده = وعساك تقبل مشهدي يوم ميعاد |