 رد: أكتب بيت شعر يصوّر حالتك النفسية
يانفس يانفس الطمع ويش يرضيك
خمسة وثلاثين مضت بالملاهي
متى على الله طيب الوعظ يهديك
وارتاح من طيشك واشوف انتباهي
مرت سنين كل همي اسليك
واثر العمر يجري وانا معك فاهي
لكن على ماقيل من دون تشكيك
ماعدت انا برضاك يانفس زاهي
خلاص من درب مشيناه يكفيك
يكفيك طيشاً فات والعقل لاهي
أن كان وقتاً فات بالحب ملهيك
اليوم ماللحب عندي مشاهي
من سبتك يانفس عقلي يجاريك
أنهيه مير العقل ما سمع ناهي
يبغى على دربك ويمشي مماشيك
مرتاح دام الحب في الدرب راهي
واليوم عقلي جاه بالعلم تحريك
تنعاف دنياً ما تسر الإلاهي
مرت ذنوب ٍ جايرات مهاليك
قضيتها والرب ماهو بساهي
مير العفو يارب يارب انا ادعيك
اغفر لي ذنوب ٍ بها العقل تاهي |