 رد: [[[ مدوّنتي المنزوية ]]]
المسافر
ام لارا
سعد
علي
كل الاخوان والاخوات
الف شكر لكم على هذا الحظور الجميل والراااائع لاعدمتكم
كل ما أقوم به ماهو الا رد على كل مشكك في التحليل الفني
وكل من يقول بأن التحليل الفني لايتماشى مع السوق السعودي
هاهو التحليل الفني يعطينا 7% في سهم مكه اخذنا منها 6% وتركنا للمضارب 1%
يعطينا هذه النسبة الجميله والسوق ينزف احمر
من الذي دلنا على سهم مكه او غيره من الاسهم لنشتريه أليس التحليل الفني
ثم انظروا الى البساطه في كيفية الدخول والخروج
لا هدف اول ولاثاني ولاثالث ولاوقف خسارة ولايحزنون
هناك نقطه تعتبر مفتاح دخول للسهم
فتح لي الباب .. ادخل
مافتح الباب .. انتظر
فتح لي الباب وبعدين تندم وحاول يطلعني برا
اشوف هل دفعه لي للخارج قوي ( يعني دفعة صامل ) اطلع واخليله سهمه واقشر مايغصب بن آدم
ماني غاصبه على سهمه
شفته والله يدفعني دفع خفيف اعرف انه ماهو صامل واحاول فيه الين يدخلني اتقهوى معه
هههههههههههههههه
يعني بالعربي
نقطة الدخول هي نقطة وقف الخسارة مافيه غيرها
الهدف مافيه هدف طول مالسهم يتحرك انا معه اذا بدا يضعف أسلمه سهمه صاغ سليم واطلع بالمقسوم
اقل ربح مقنع بالنسبه لي كمضارب لحظي 2.5 الى 3% ومازاد بركه
كنت اتعمد ذكر سبب الخروج من السهم
حتى لايأتي مشكك ويقول انت تنظر كم حقق السهم ثم تقول خرجت هنا
لا لا ريح بالك
انا اخرج واقول ليش خرجت هنا
وبعدها شوف السهم وين يروح
كل الاسهم اللي خرجنا منها كمضاربه لحظيه مافيها شي ارتفع عن سعر خروجنا
الا ارتفاع زهيد لايسوى الانتظار
حققنا أضعافه بتحرير السيوله والتنقل في أسهم اخرى
يطول الكلام
لكن اظن بماذكرت الكفاية
وبالتلميح مايكفي عن التصريح
وبالإشارة مايكفي عن صريح العبارة
فااااائق الود والتقدير
|