 [[[[ مجاراة النداوي في الترحيب بالدهمشي ]]]]
...
للدهمشــي مــنا ســــــلام وتـــحيات
وبياض وجه ٍ في سما المجد منشور
والحمــدلله يوم عــــدت سلامـات
وصار البلد من عقب الامحال ممطور
الــرجل له مغــزا ومـبـــدا وغاياااات
والدهمشي صامل ووافي ومخبـــــور
ماهوب تـوّه غارق ٍ في البدايـــــــات
رجــّـال عرف وله مواقف ومشهور
مع كوكبة مركز هل الطيب بالذات
كلـ(ن) يقود من المشاكيل طابـــــور
دايم لهم في ساحة الـــعـــز غــارات
وفي جندلة جيش المعادي لهــم دور
بقيادة الزحزيح رجل المهمـــــــات
الصقر ماهو مع هل الطيب مغمـور
يجمع شمل غالين ويلم َ الاشـتـــات
ويزرع بداخلنا ابتسامات وســـرور
والخاتمه قولوا لــراع النزاعـــات
اللي يزعزعنا ( ترى مانت ماجور)
فاااائق الود والتقدير
|