مجاراه لكاتب القصيده التي وضعها اخي ابو ثامر قلوبنا تتقطع على اخواننا في سوريا ولكن هذا شي له حكمه وله ترتيب يعرفه ولي الامر واهل العلم
ونحن تحت اوامر ولاة الامر ,, لا تحسب اننا مبسوطين على اللي نراه والله اننا نتقطع الم وقهر وجفت الدموع من كثر البكاء عليهم وعلى حالهم ,, ولكن نقف صفاً واحداً مع ولاة امرنا ونسمع ما يقولون
ونطيعهم طاعه عميا !!!
الفتن ما هيب زينه يابن الاجواد وبليه
الله يخلي حماتك والله يخلي حماتي
السعوديه بلاد العز والنفس التقيه
السعوديه هناي الا غناي الا حياتي
من يحاول زعزعتها يبشر بحوض المنيه
سجلوا عمري فداها وامسكو هذي وصاتي
دون ابو متعب ونايف دون سلمان الحميه
الصدور مشرعات ولانبي غير المماتي
ذا ولي الامر والله مانلاقي شخص زيه
الشجاعه فيه والعزه ومحمود الصفاتي
عايشين بعز خلينا العصور الجاهليه
في امان وفي رغد والخير لابده بياتي
مانخون الراعي اللي وكل وحنا الرعيه
بيعتً لال السعود من السنين الماضياتي
احمد الله واذكر الله دامك بعيشه هنيه
يذن المذن وتفزع للعباده والصلاتي
طالع اللي حولك وشف حالهم ياهي رديه
من يربي لحيته داسو عليها بالجواتي
وحنا مبسوطين ومرتفعه كثير المعنويه
والامن في مملكتنا من جميع اربع جهاتي
الخوي يضرب ديار اليابغى ياصل خويه
لايخاف ولايشيل سلاح ولايخشى المماتي
ديرتي ديرة هل العوجى هل اليمنى النديه
حكمهم بالشرع ياهل الصوت واهل الجمهراتي
محتمينك من كلابً نبحها كل ضحويه
لجل تحيا في رغد ساقو عليها الملياراتي
ان خلصنا من كلاب الغرب جات اليعربيه
دولةً تحماك وانت تهينها بالمفرداتي
كبروك وعلموك وصاب راسك عنجهيه
صرت راعي كيف مايرضيك كود النايفاتي
صرت ترغب فالعليا عفت حي الفاخريه
وعقب صامولي وبيضه صرت راعي موجباتي
اركد اركد واستلم مني يابو نعره تحيه
والرعيه تحت اوامر من رعاها ماتحاتي
شعر :
المرقاب ((
محمد العطاوي ))
ابوحمد