الوجه ..من الوجه ابيض
 

(الأسم) معزتك مالها حد وحدود
مجمل ومشكور يالرفيق السنافي
ياللي كسبت الجود من جد وجدود.
ثنتين بالقاف ماتنسى غباينها
مدح الردي وهقوة المطنوخ بهلامة
لاتمدح رجال ماتعرف دفاينها
ولا تحتزم بالفتى مافز لأعمامه.
اليا زعل من مدح رجال رجال
ما يستشك الا عديم الرجوله
يوزن فعوله في موازين الافعال
حتى يحدد من فعوله فعوله.
مدح النشاما واجب دون مصلوح
ولا الردي مامدحه لو هو بنا خي
نمدح رجال بالفخر تبني صروح
ربع على كبد الردي تنجح الكي.
كثر الهروج الفاضية والهرابيد
ينقص بها الرجال وتحط قدره
من كان يبغى مدح كل الاجاويد
يطق لافعال الرياجيل صدره.
ادري انك ماتبي شكر وزيادة رصيد
ولاتبي مدح وتبجيل وزيادة كلام
بس عندي كلمتين ولاودي أزيد
انك من اشرف رجال الوفاء فعل ومقام.
سلام ياشاعر جزل الطواريق
يابن طلق راع الوفاء والشهامه
عندي على مدح النشامى مواثيق
رجال الوفاء والعز ساس الزعامه.
مدح (الأسم) يعطي الشاعر وسام
يطلق لساني مدحهم وجه وجاه
خويهم بفرح ويسعد مايلام
دونه رجال درع جمبه وتحماه.
انا ليا مني بغيت امدح الناس
ما مدح قليل العرف ولا الهلامه
امدح رجال فعلهم يرفع الراس
ربعي هل الحرشا وراس الزعامه.
ماهو غريب الطيب ياطيب الساس
دامك من رجال تسد اللوازم
والله لو ان الشعر رصع بالالماس
ما وفت الشعار مدح العوازم.
المدح مايصلح على كل رجال
بعض الخبول تحب مدح الهلايم
لاصار لا طيب ولا هو ب مدهال
ودك تعده بس ضمن البهايم.
كفو والله يا معرب الجد والخال
علامتك خير يازينها من علامة
مدح الشيخ مدح رجال للرجال
يستاهل الطيب وتستاهل انت الزيادة.
احفظ رفيقك واستره لاتخونه
وان سولفو به لاتجامل وتحتار
لا تصير اول من يخيب ظنونه
وقف لعينه عندهم وقفت رجال.

.........منقول

رد: الوجه ..من الوجه ابيض