|
سياسه هيئه سوق المال - نصيحه - السلام عليكم ورحمة الله وبركاته ((من لا يسمع النصيحة المجانية سوف يتعلم بعد تجرع الخسائر ويندم على فوات الفرص)) السوق السعودي مقبل على مرحلة جديدة وقد بدأت بوادر هذه المرحلة بالإيقافات المتتابعة كما حصل في شركة عذيب نهاية العام الماضي وثلاث شركات في الربع الأول من هذا العام المتكاملة - بروج - اسيج والقادم بعد انتهاء النتائج سوف يكون القشة التي سوف تقصم ظهر البعير. الهيئة مصرة على تطبيق القوانين الصارمة على الشركات الخاسرة والمتلاعبين دون استثناء والدليل الغرامات المتتالية التي سوف تكون أمر اعتيادي في الفترة القادمة. هذه القوانين الصارمة التي تقوم الهيئة بتطبيقها سوف تقضي على المضاربات غير الشرعية التي تحدث في هذه الشركات الخاسرة وفي النهاية لن يكون هناك خيار لهذه السيولة سوى الإتجاة إلى شركات العوائد والرابحة لتحقيق الأرباح. في نظري اليوم من يحتفظ بمركزة في الشركات الخاسرة كمن يمسك الجمرة في يدة وفي وقت ما لن يجد من يلتقط هذه الجمرة منه. القصف الحاصل في السوق هذه الأيام ما هو إلى فترة تبديل مراكز بعد الأحقيات وانتقال السويلة من الشركات المضاربية والخاسرة والعوده لضخها في مكانها الصحيح وسوف يكون الشاهد على كلامي هذا السلوك الذي سوف تكون علية احوال الأسهم في الفترة القريبة القادمة. المضاربه هي ملح السوق ولن تكون كما كانت في السابق ولفترة طويلة وعلى المتعاملين في السوق التكيف مع الوضع الجديد. |
رد: سياسه هيئه سوق المال - نصيحه - وهذا اللي نبيه ..... |
رد: سياسه هيئه سوق المال - نصيحه - يابتال قل للهيئة صح النوم يانايم في العسل, وينها عن بروج يومها مصفيه الطبلون فوق الميتين, ووينها عن طرح المتكاملة للحصالات للأكتتاب . مالقوا يوقفونها لين اصبحت في يدين الضعوف . ترى سوقنا ادُا ماتعرف تهبش مع الهباشين تصبح ماطا للماشين ,وسلامتك يابطل |
رد: سياسه هيئه سوق المال - نصيحه - دون استثناء كثر لي منهااا ... ماصدقت وربي |
رد: سياسه هيئه سوق المال - نصيحه - الله يعين |
رد: سياسه هيئه سوق المال - نصيحه - ياابن الحلال سهم شركة المعجل كشف المستور |
رد: سياسه هيئه سوق المال - نصيحه - حسبنا الله عليهم شلة حرامية |
رد: سياسه هيئه سوق المال - نصيحه - حراميه 000حراميه يا سوقي حراميه |
رد: سياسه هيئه سوق المال - نصيحه - اليوم انشالله بعد الساعه الثانية ظهرا سوف يرتد السوووق ؟ والوضع في الشرق الاوسط والخليج من امووور غير مستقرة لان ترضى الدولة في انهيار وسرق افلوسنا وافهم يافهيم |
رد: سياسه هيئه سوق المال - نصيحه - عفوا ::: أسهم العوائد تسابقت للنسب و لكن للأسفل و لنا في المتقدمة عبرة فليس الخاسر فقط |
رد: سياسه هيئه سوق المال - نصيحه - يارجال والله محد درى عنك .. بتقنعني ان الهيئه تهمها مصلحة المواطن وتحافظ على امواله وينها عن مهزلة المتكاملة ؟ والمعجل ؟ ونسب عذيب مره فوق ومره تحت واخرها امس في ثواني خفس بالسهم وبأموال المسلمين الله لايوفقه .. ، بعدين ليه مايطلع واحد من الزلايب في الهيئة يعلمنا وش مبررات النزول العنيف ؟! السوق تعدى مرحلة التصحيح واصبح محرقة اموال المواطنين السوق سوق حراميه ونصابين وماياكلها الا احنا المتداولين البسطاء .. |
رد: سياسه هيئه سوق المال - نصيحه - من 2005 مع كل نزول نسمع نفس الكلام وبالاخير اسهم المضاربة تعطي شعب كامل يحب الخشاش كيف تمنعهم |
رد: سياسه هيئه سوق المال - نصيحه - بارك الله فيك |
رد: سياسه هيئه سوق المال - نصيحه - مشكوووووور والله يعطيك الف عافيه |
رد: سياسه هيئه سوق المال - نصيحه - بتال خذه نصيحه من اخوك عاصر السوق من 2005 الي اليوم الكلام هذا شبعنا من سماعه كثير لو الهيئه تصير وزاره مافيه امل تقضي على المضاربات سوقك يا حبيبي وش يجيبه لللاسواق العالميه الي المظاربات ماليتها مسوي التويجري بيعدل السوق يبطي لسبب واحد هو اساس المضاربات هذي ذا التويجري رجال ويخاف الله اليوم يوقف المحفظه الفي اي بي الي كلنا نعرف لمن الي طلع بروج من 20 ريال الى 258 ريال والمتكامله من 9 ريال الى 53 واليانز من 12 ريال الى 111 ريال عنايه من 24 الى 73 الاسماك من 20 ريال الى 450 ريال عام 2008 يا الله خله يبري ذمته امام الله ويطبق النظام على الجميع اي شركات خاسره الاسماك على اي اساس وافق على زيادة راس مالها شركه ورقيه خاسره والحين قضت على فلوس زيادت راس المال با الخساير الجديده خله يكشف تلاعب المعجل والكثير الكثير بنتظاره لاتصدق لا التويجري ولا العساف هذولا اكبر ناس حقين محسوبيات قوتهم على الضعيف فقط ما ننسى صندوق معاشات التقاعد والتامينات الي جرعونا الخساير في عام 2006 انتهى وقت الضحك على الدقون |
رد: سياسه هيئه سوق المال - نصيحه - اقتباس:
يارجل انت مصدق هالكلام انت في دوله ملكيه ومحافظ ملكيه فكر قليلا فيه ناس فوق القانون يعني مهما سوى تبقى الشركات الخسرانه مضاربه مربحه لان اسهمها قليله جدا عادي ياخي انت شفت المعجل وش سوى سلف شركته من فلوس الاكتتاب خخخخخخ يعني بالله علاوة اصدار على شركه خسرانه مليار ماسوتها البنوك وهي اقوى من شركاتهم مدري كيف علاوة الاصدار تكون كبيره مثل اكسترا اشك ايضا انها محفظه ملكيه معبيه وغصب عنه وافق مثل سالفة الحكير علاوة اصدار 110 واخرتها سروال وفنيله الله يرحمنا برحمته |
رد: سياسه هيئه سوق المال - نصيحه - اقتباس:
صح لسانك يا شنب .. الوضع مزري .. وفيه ناس تبي يبقى الشعب منتف .. لا يقدر يشتري ارض .. ويسلبونه امواله بالاسهم مثل المنشار .. ورى وقدام على المواطن .. لا ادري لمصلحة من يحدث كل هذا ..؟! عسى الله يصلح الحال .. |
رد: سياسه هيئه سوق المال - نصيحه - سياسة الحرامية ما في شي يضيع عند الله |
| الساعة الآن 08:54 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir