|
استفسار عن محكمة التنفيذ السلام عليكم ورحمة الله وبركاته اسعد الله صباحكم بكل خير اسأل الله العظيم ان يبعد عنكم غلبة الدين وقهر الرجال اخواني انا قصتي قصه طويله جدا وقد وصل بي الحال الي 3 قضايا تنفيذ وقرار 83 وباقي القرارت المتعارف عليها بداية القصه لصاحب لي اتي لي مقر العمل وخدمته وعرض علي خدماته بأنه عنده محل تقسيط بطايق و بعد فتره أخذت من عنده المبلغ الأول تم سداده كاملا والأوراق عندي بعد السداد والمخالصه عرض علي مبلغ طيب حيل وافقت المهم انتهي الأمر أني مسدد قسطي الساعه 8.30 صباحا والدعوة رفعت الساعه 10 صباحا اتوترت وبلغ بي الأمر بالانسحاب من العمل كان يوم اسود ويجي صاحبي بالواتس ويقول اما السداد ولا بتسجن ويشهر فيك وغرامة عن كل يوم تأخير ارعبني لأبعد درجه أخذت اهلي وسحبت علي الوظيفه وغيرت المدينه ووصل بي الأمر الي 3 قضايا تنفيذ طبعا انا لا زلت مقتنع انه حق ناس ولا بد من سداده خوفا من الله قبل كل شي فهي حقوق ناس ولا اضمن متي الله ياخذ وداعه لا وظيفه ولا اي وسيله تساعد علي البقاء وإيقاف الخدمات وأحمد الله علي كل حال واشكره علي نعمه السوال الان اتمني من الاخوه أفادتي بأفضل حل انا رجل يعني لست معسر والله مع من سعي في طلب الرزق اسأل الله الكريم أن يجعلنا ممن يدخلون الجنه بدون حساب |
رد: استفسار عن محكمة التنفيذ الله يفرج همك في هذا اليوم المبارك ... |
رد: استفسار عن محكمة التنفيذ القصه ماهي واضحة فيه حلقه مفقوده بالموضوع الله يعينك ويرزقك |
رد: استفسار عن محكمة التنفيذ الله يجزاكم خير انا اخي بو ريتاج ما حيلتي اسدد كاش ولكن صعب اقول اني معسر لاني رجل بمعني انا من اتي بالمال ولكن كيف نظام التنفيذ هل فعلا لا يجب مراجعتهم الا بالمال فقط |
رد: استفسار عن محكمة التنفيذ الله يسهل امرك .ويفرج كربتك طالما وصلت للتنفيذ . فما لك الا التفاهم مع خصمك لعله يجدول دينك واعتقد ماله مصلحه في سجنك او بيع اصولك .. اذا وثق انك ستوفيه |
رد: استفسار عن محكمة التنفيذ شوف انت اثبت للشيخ ان الدين هو سلعة بطاقات سواء والشيخ ع طول بيفك خدماتك وانت سدد الرجال ولاتخلي شي بذمتك محكمة التنفيذ لاتحكم في ديون بطاقات السوا الا بشرط وجود سجل تجاري وموافقه من التجارة بمزاولة بيع بطاقات السوا اما اذا كان يطلبك مبلغ قرضه او انت موقع له على شيك واوراق وكمبيالات وسند قبض فانت ملزم تعطيه حقه وايا كان مجرد تراجع الشيخ وتوريه وجهك هيفك عنك جميع خدماتك وبيتفهم وضعك وبيعطيك مهله لاتقل عن ثلاثه اشهر |
رد: استفسار عن محكمة التنفيذ السلام عليكم ورحمة الله وبركاته أخي باغي الخير مايقدر يسجنك الايكون المبلغ أكثر من خمس مئة الف ومايقدر يطلب تعويض عن التأخير إلا اذاكان مسجل في العقد وموقع عليه ولو جالست في عملك ورحت للمحكمة وكلمت الشيخ كان يستقطع من رتبك مبلغ بسيط لصاحب الدين غير كذا مافيه أي شي . عموما الله يفرج همك يقضي دينك |
رد: استفسار عن محكمة التنفيذ اخوي باغي الخير وأي استفسار عطني خبر وابشر لأن قصتك ماهي واضحه |
رد: استفسار عن محكمة التنفيذ الله يكون بعونك ويرزقك الله يفرجها عليك |
رد: استفسار عن محكمة التنفيذ يخاف الانسان من عمليات النصب و الاحتيال فلهم طرق كثيرة وملتويه ومن يضمن ان قصتك صحيحة ؟؟ |
| الساعة الآن 07:47 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir