|
لا تفرح إن الوقـت أسعدك واعطاك لابــد مـا ســود اللـــــــيالي تبكيـــك قصيدة قديمه للشاعر الكبير : "احمد الناصرالشايع من الزلفي" هذه القصيدة يجب ان تكتب بماء الذهب لأن كل بيت فيها يمثل قصيدة لوحدها لا تفرح إن الوقـت أسعدك واعطاك لابــد مـا ســود اللـــــــيالي تبكيـــك دنــــــيا تقلـــب علــها مـــا تــولاك تمسي عزيز وتصبح من الصعاليك إلى اقبلت تخفي عيوبك عن أعداك وإلى ادبرت تظهـر عيوبك لاهاليـكا غنم من صروف الدهر كانه امداك قبل اللحد عن ظاهر الارض يخفيك وترى التشكي للمخاليق يشــــــنـاك يحط من قدرك ويفـرح امــعــاديـك وكـثر التـشره يجعـل الناس تجـفاك ولا عــاد تلـقى بيـنهـم من يخـاويك ولا تمادى في زعل من ترضــــاك مادام جاء عاني على شأن يرضيك ولا تخــاوي من على أبوه بـــــداك هذاك وان طال الزمان غادر فـيـــك والـجـاهل احـذر لاتجـادلـه يـبلاك في كـلـمة بين الـمخاليـق تعـمـيــك والهرجه العوجى لو أنه تنصــــاك حـاول تجـاهـلهـا وخــله تـعـديـــك ولاتخـيـب هـقـوت اللي تـهـقـــواك مادام جاء بين المخاليق ناصيـــــك واحـذر تـهـزا يـافـتـى بخلق مولاك تـشـوفـها باقـرب قـريـبٍ يوالـيـــك ولا تفرح بزودٍ على الحق وان جاك زودك ترى نقصٍ على حق ذوليـك وخل القناعه ميزةٍ من مزايـــــــاك مـع الـقـناعـه كــل شـيٍ يـكـفـيـــك وان جت لك الدنيا على غير مشهاك اصبر ترى بالصبر تدرك أمانيك لا تامـن الدنيــا تـرى الوقـت فتــاك لجا القـدر كثـر الحـذر ما ينجيـــك لكم كل الود والاحترام |
رد: لا تفرح إن الوقـت أسعدك واعطاك لابــد مـا ســود اللـــــــيالي تبكيـــك يعطيك العافيه ابوشنب شعر حكم شاعر كبير احمد الشايع |
رد: لا تفرح إن الوقـت أسعدك واعطاك لابــد مـا ســود اللـــــــيالي تبكيـــك الله يعطيك العافيه خيو ابوشنب والهرجه العوجى لو أنه تنصــــاك حـاول تجـاهـلهـا وخــله تـعـديـــك ولاتخـيـب هـقـوت اللي تـهـقـــواك مادام جاء بين المخاليق ناصيـــــك كل بيت يسوى قصيده |
رد: لا تفرح إن الوقـت أسعدك واعطاك لابــد مـا ســود اللـــــــيالي تبكيـــك هذه القصيده كلها حكم وكل بيت فيها عن قصيده بمعناه وجماله ولكن هذه القصيده ليست للشاعر احمد الشايع هي للشاعر احمد بن عبدالرحمن العريفي ""نديم المجره" تحياتي |
رد: لا تفرح إن الوقـت أسعدك واعطاك لابــد مـا ســود اللـــــــيالي تبكيـــك لا تفرح ان الله على الناس بداك ولا تحسب ان الله قطوعن يخليك |
رد: لا تفرح إن الوقـت أسعدك واعطاك لابــد مـا ســود اللـــــــيالي تبكيـــك ولاتحزن ان الوقت اتعسك وأبكاك ... لابد من بيض الايام تسعدك تفــــاؤل |
رد: لا تفرح إن الوقـت أسعدك واعطاك لابــد مـا ســود اللـــــــيالي تبكيـــك يعطيك العافيه ابو شنب وان جت لك الدنيا على غير مشهاك *** اصبر ترى بالصبر تدرك أمانيك لا تامـن الدنيــا تـرى الوقـت فتــاك *** لجا القـدر كثـر الحـذر ما ينجيـــك |
رد: لا تفرح إن الوقـت أسعدك واعطاك لابــد مـا ســود اللـــــــيالي تبكيـــك يا الله ياللـّي كـل الأمـات ترجيك = ياواحـد ٍ ماخاب حـّي ٍ ترجـاك يارب عبد ٍ مامشى في معاصيك = ولايمشي إلا في محبتك ورضاك يامـرقب ٍ بالصبح ظـليت بـاديك = مـاواحـد ٍقبــلي خـبرته تعـــلاك ولّـيت ياذا الـدهـر ماكثر بـلاويك = الله يــزودنا السـلامة من اتـلاك ياللي علـى العربان عمت شكاويك = ولّيت يـادهـر الشقـا ولّ مقواك واليـوم ها لكانون غـــاد ٍ شبابيـك = تـلـعب به الاريــاح من كل شباك يامالك اسمع جابتي يوم اوصيك = واعرف ترى يابوك بآمرك وانهاك وصية مـن والد ٍ طـامع ٍ فــــيك = تسبق على الساقه لسانه العـليـاك أوصيك بالتقوى عسى الله يهديك = لـهــا وتدركها بتـوفيق مــولا ك الله بـرب أجـــدادك الغــرّ يعطيك = مرضــاته مع ماتمنى من إمنــاك إحفظ دبشــك اللـّي عن الناس مغنيك = اللـّي ليا بان الخلل فيك يرفــاك وإعـرف ترى مكــه ولاها بناخيك = لو تشحذه خمسة ملا ليم معـطاك إجعـل دروب المــرجله من معانيك = وإحـذر تميّـل عن درجهـا بمرقاك لا تـنســدح عنها وتبغـاني اعـطيك = جـميـع مــايكـفيك ماحاصــل ٍ ذاك أدب ولــدك إن كان تبغــاه يشفيك = واستسعفه من بعد مرباك يالاك إمـا سمج واستسمجك عند شـانيك = ويفـر من فعـله صديقك وشـرواك والا بعد جـهـله ترا هــــو بياذيك = لـو زعلت امــه لاتخــليه يــا لا ك وإحذر تضّيع كـل من هـو ذخـر فيك = معــروفه لاتنسـاه واوفه بعرفاك تـرى الصـنايع بين الاجــواد تشريك = إليا طمعـــت بغرسهـا لا تعــداك وإحذر ســرور بغبة البحر يرميك = ولا عنده افـلس مـن تشكـّيك وبكاك وأوف الرجـال حقوقهـا قبل تـعنيك = لا توفيه بالهـــرج فالحـق يقـفـاك وهـرج النمـيمه والقفــا لا يجي فيك = وأيـاك عرض الغــافل أيـاي وإيـاك تبـدي حديث ٍ للمــلا فيه تشكـيك = وتهــيم عند النـاس بالكـذب واشـراك واليــا نويت إحذر تعلم بطـــاريك = كـم واحـد ٍ تبغى منه عرف وأغواك وأحـذر شماتت صـاحب ٍ لك مصـافيك = وليـا جرالك جـاري ٍ قال لولاك و لا تحـسب ٍ ان الله قطوع ٍ يخلـيك = و لا تفرح إن الله على النـاس بداك الضـيف قـدم له هـلا حيـــن يلفيـك = وممـّــا تطوله يافتى الجـود يمنــاك إحــذر تـلقي الضيف مقـرن علابــيك = خـله محب ٍ لك صديق ٍ ليا جاك واوصيك زلا ت الرفيـق ان عثا فيك = مازال يغـّطاها الشعـر فا حتمل ذاك راعــه ولو مـا شفت إنه مـراعيك = عســاك تكسـر نيته عن معـــــاداك وإحـذر عدوك لو ظهــر لك مصــافيك = خـلك نبيه وراقــبه وين ماجاك لا تـامنـه واطلـب من الله ينجــيك = ويكــفيك ربـك شـر ذو لا وذولاك شفـني انـا يا بـوك بـآ مرك وانهـيك = عـن التعرض بين الاثنين حذراك إذا حضـرت اطلابـة ٍٍ به شـرابيك = اســع لهم بالصــلح واللاش يفـداك ابـذل لهــم بالطيب ربــك ينجــيك = ولا تجضع الميزان مع ذا ولا ذاك أمـا الشـهـاده فادهـا إن دعوا فيك = بيـّن عمـود الدين لا عميت أريـاك بالك تمـاشي واحـد ٍ لـك يرديـك = طـالع بني جنســك وفكــر بممشـاك رافـق أصـيل ٍ فـي زمـانك يشـاكيك = لاشاف خملا تك عن الناس غطـّاك وحـذراك عن طــرد المقـفي حـذاريك = عليك بالمقبل وخل من تعداك ثم إلعن الشـيطان حذراك يغــــويـك = تــرى ان تبعـته للشــرابيك وداك وأوصــيك لا تشــكي علينا بلاويك = انت السبب اطرفت عيـنك بيمنـاك وإعرف تـرى اللـّي واطا الفعـرواطيك = ولاأنت أعـزمن الجماعه هذولاك ألمـسك يـاراسي مـن الذل وأخطـيك = وأحـذر تكلم يالساني وحـــذراك وألطف بجارك ثم قم دون عانيك = وافطن لما يعنيك عن ربعة اخواك ياذيب وإن جتـك الغــنم في مفــاليك = فا كمن لهـا ياذيب لاما تعـــداك فيما مضى ياذيب تفـرس بيـاديك = واليـوم جــاء ذيـب عن الفرس عداك ياذيب عاهدني وعاهدك مــارميك = مرميك أنا ياذيب لو زان مـرماك والنفـس خـا لف رايهـا قبل ترميك = ترى لهـا الشيطان يرمي با لاهلاك ومن بعد ذا لاتصاحب النذل يعديك = عن صحبة الانــذال يابوك حذراك والهقوة انـك ماتجـي دون أهـاليك = ولا ظن عود الورد يثمـر بتمباك والحـر مثلك يسـتحي يصحب الديك = وإن صا حبه عاعا معاعات الادياك لا تستمع قول الطرف يوم يلقيك = بالكـذب يقضي حاجته كل ماجاك مـن نـّم لـك نـــّم بك ولا فيـه تشكيك = وألياه قد أزرى رفيــقك وزراك عنـدك حـكا فيــنا وعندي حكــا فيك = وأصبــحت كارهنا وحنا كرهناك مـاخطاك ماصابك ولو كان راميــك = واللـّي مصيبك لو تتقيت مخطاك مير اســتمع مني عسى الله يهديك = النصح يا ما لك لـك الله مولاك عنــدي مظنه ما تمثلتها فيك = واطـلب لـك التـوفيق من عند مولاك https://www.youtube.com/watch?v=or4LQtZ3Qxo |
| الساعة الآن 11:16 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir