مركز السوق السعودي - مشورتكم يا اخوان الله يجزاكم خير اخوكم محتاجكم

ياجماعه الخير السالفه طويلها وما ابي اسردها كلها

اليوم ولد عمي (وفوق هذا نسيبي :D ) دق علي وقال تجي لقطر ظروري قلت له ليش قال موضوعك انتهى

طبعا هو قطري هو وعمي وبعض جماعتنا وشغال بمنصب طيب في الديوان الاميري المهم صار بيننا نقاش قبل سنه او اكثر بهذا الخصوص بطريقته مدري وش سواء وقال اذا تميمي ماعليك ازهلها ( الرجال اقشر ما يخدم عياله بس مدري وش طرى عليه هاك اليوم )

الرجال دق علي وقال تعال امورك تيسرت الاسبوع الجاي وانت مسنتر عندي
وقالي ان موضوع الجنسيه صعب جدا جدا جدا جدا يعني يقولي بشق الانفس تيسرت الامور
وكل اشوي وهو داق قلت مافيه حجز رد ودق علي قال انه شيك على الطيران وقال الحجوزات متوفره وساعه او ساعتين ودق يقول حجزت او باقي قلت له ان شاء الله بحجز

وانا والله محتار يا جماعه
كل ما سالت احد لخبطني وحاسني ووداني هناك وردني

سالت خواتي لانهم عايشين هناك ومتزوجين من بنو عمومتي قالو تعال بعيونننا وكلام ماهو يم سنع انا ابي علم

المشوره لا عدمناكم الموضوع مصيري

انا متزوج وعندي ولدين

وما احتاج لاي وظيفه الامور طيبه طيبه ومافيه امل افكر بوظيفه ابد

انا محتار الديره هناك مرتبه ونظيفه وهاديه والتعليم هناك مره حلو مرتب للاطفال وكذلك المستشفيات والبيئه شوي متطوره ---- وقليل نشوف درباويه :D:D

---طبعا المعزبه (الزوجه ) مبدئيا متردده وتميل الى الرفض

وش العلم عندكم