مركز السوق السعودي - يـاحــادي الـثــورات غـــن بـثــورة...ثــورة عــرب مـاهـيـب صهيـونـيـة

السلام عليكم ورحمة الله وبركاته

قصيدة رااائعه وصاارمه من الصااارم

الشاعر نااايف بن عرويل

صح الله لسانه شاعر جزل

سمعتها ونالت على اعجابي كيف لا وهو للشاعر نايف
فاأبيت الا ان احضرها لكم لكي تستمتعوا بسماعها
اترككم مع القصيده

http://www.youtube.com/watch?v=UW5shxQGwVI

[poem=font="Traditional Arabic,7,green,normal,italic" bkcolor="black" bkimage="" border="none,4,darkred" type=0 line=1 align=center use=ex num="0,black""]
الشعر باقي والمشاعر حيه = ياقبلته فالصفحه المطويه
وان عودت ماني مقبل يمك = لأني مقبل قبلةٍ شرعية
واللي يقبل عكس ماشرع له = يقصر عن الحسنه وياخذ سيه
ياللي تغطرس لاتزيد بغيك = تعامل مع الناس بالحنيه
ترى الليالي تنقلب في لحظة = وتضيع كل احلامك الوردية
ماشفت زين العابدين في تونس = قامت علي الثورة الشعبية
والارض ضاقت والمواني ضاقت = وأكد على اول رحلةٍ جويه
ثم اتصل فالجو من نقاله = على معمر راعي القومية
يامعمر انفض شوشتك وألحقني = وان مت عندك لا تسوق الدية
وعيا معمر لايزبن جاره = لان الرعية ماتضم رعية
طار لفرنسا واعتذر سركوزي = عود لأوباما جاه عذرٍ زيه
واعطا الأوامر كبتنه واحرفها = قال البيارق رفت اسعودية
ازبن على اللي يدخلون الجاني = نطاحة القالة نهار الهية
واجرى اتصاله بالملك عبدالله = واثر الملك في رحلة علاجية
لاكن ابو متعب وهو فالمغرب = يقدر يدير الكورة الارضية
قال ابشر بعزك وانا اخو نورة = والسيف تحمي ضربته راعية
ازبن على سلطان وازبن نايف = واعطى الاوامر كلها فورية
وعوض عن غياب المليك اخوانه = ثم اوعزوا للسلطة المعنية
وامسى بحده والهبوب تهبه = على الشحم والدله البرية
وانتقلت العدوى لحسني مبارك = وقامت عليه الثورة المصريه
والناس قامت تزدحم فالشارع = بمضاهراتٍ كلها سلمية
والشعب كله قال يسقط حسني = لكن حسني مستمر بغية
نفذ سياساته ودمر شعبه = بالبلطجة والشرطة السرية
ونهاية الموضوع طار الكرسي = والشعب حقق منية الحرية
والشي هذا يثر بمن حوله = لأنه يسبب نقلتٍ نوعية
لان الشعوب ان فكرت فالثورة = ماعاد تنفع معهم القمعية
قامت حكومات العروبه ترجف = كلن بدى يهتزبه كرسية
وام الركب بانت فأبوا تفليقة = لأن الجزاير دولةٍ ثورية
ويمكن لياثارت تطير راسه = ويروح فأول طلقت ٍ ناريه
وراع اليمن ماسرت اشعاراته = يوم احتزم بالسيف والجنبية
الشعب ضده والعساكر ضده = ويقول ياجني وياجنيه
وارسل سفيره للرياض بحينه = ويقول خطة دعم لوجستيه
والضاهر انه حاجزٍ له شقه = شقه على الهافمون فالشرقية
ومعمر الليبي على بن غازي = ماسرته قواته الحربيه
جاهم معمر بس راح مدمر = يسحب جيوش الذل روحة جية
صج العرب بالصوت زنقه زنقه = والى الامام وثورةٍ ليبيه
ونهايته فالمشنقة بيعلق = ولا يموت بسكتتٍ قلبيه
لأن الرصاصه فيه نستكثرها = وأغلى منه فالقيمة السوقية
باخذ شوي وبرجع لموضوعي = بعد ماعد النشرة الجوية
الناس ماتت بالغرق في جده = والسبه من البتية التحتية
وامين جده قال مالي دعوى = والمشكلة من هيئة المالية
ياراعي المعنى مادامك شاعر = نبيك تكتب فالعرب مرثية
ومادمت رسام ومسكت الريشة = نبيك ترسم لوحتٍ فنيه
فيها تجسد واقع اللي ماتو = وجثثهم في الارصفه مرميه
ثم حطها فالمعرض وبروزها = واوعدك تاخذ جائزة دولية
جتك المعاني واضحة واعذرني = لأني اعاني مشكلة نفسية
مشكلتي اني منصدم فالواقع = واجهل فروق الشعب والشعبية
ومشكلتي اني ماعرفت اجامل = وتظهر علي النزعة الدينية
اكتب قصيدة فالغزل والقاها = عقب انتهي منها جت سياسية
وان كان تبغالك مثال اسمعني = غنيت فالمزيونة الحورية
يا ام العيون الناعسه روفي بي = لاتبلجين النور فالعتمية
كشحة جبينك مثل كشحة ساهر = اللي خذالي صورة ٍ شخصيه
وانا بوسط خريص وسـط الزحمـه=وامشي مية والناس تمشي ميـة
واللـي يـزيـد بـرقـم يـاخـذ صــورة=ويـراجــع اقـــرب دايـــرة بـنـكـيـة
وامـــا يـصـيـر مـسـالـمٍ ويـســدد=ولا يــســدد غــصــب بالـجـبـريـة
صـارت جبايـة مـال عينـي عيـنـك=مـافـيــه لا رحــمــه ولا مــاويـــة
يامفـتـي الـدولـة نـبـيـك بـفـتـوى=اصـدع بقـول الحـق وانشـر ضـيّـة
مــن يـاكـلـون امـوالـنـا بالـبـاطـل=وش حكمهـم فالنضـرة الشرعيـة
هــــذي مطـالـبـنـا وهــــذا حــنــا=نـصـدح بـهـا فالصـبـح والظـهـريـة
تـاصــل ملـكـنـا كـــل ماقـلـنـاهـا=لا مـظـاهــرات ولا ذي ولا ذيـــــة
ودام الملـك للشـعـب فـاتـح بـابـه=وشهـولـه الفتـنـه ياشـيـن النـيـة
ثــورة حنـيـن الـثـورة المـدعـومـه=بـمـخـابــرات الـــــذل الإيــرانــيــة
مـحـدٍ تبعـهـا الا عـمـيـل وخـايــن=وضعيـف نفـس ومستهـان وعـيـة
لاكــــن قــــل لإيــــران ياتـابـعـهـا=انــا عـلــى الـعــدوان نـــارٍ حـيــة
وان الـسـعـوديــة ابــيـــه حـــــره=ورجـالــهــا لـحــدودهــا ثـــوريـــة
وجيش السعوديـة ليامـن جحفـل=يـاطـا برجـلـه فــوق راس الحـيـة
قــل للخميـنـي ثـورتــك صـدرهــا=عـلـى ديـــار الـجـهـل الأفريـقـيـة
ولا الـسـعـوديـة تـعـجــز يـديـنــك=مـنــت بـكـفــو يـالـنــذل لـلـنـديـة
جربـتـنـا بـجـنـود بـــدر الـحـوثــي=وسلحتـهـم بأسلحـتـك المخفـيـة
وجوهـم صقـور الجـو غـاره غــاره=وجوهـم جنـود الجيـش والبحـريـة
وراحــــوا طــقــق يالله لا تـبـلانــا=رح عــــاد دور خــمّــة الـحـوثـيــة
وجربتـنـا فـــي الـؤلــؤه يالـخـايـن=قـصــدك تـسـبـب فـتـنـةٍ أهـلـيـة
وشعـب الخليـج الحـر مـا يتـفـرق=واكـبــر دلـيــل وغـايــة الـمـاريــة
درع الجـزيـرة جــاك صــفٍ واحـــد=صـارت جـيـوش الـسـت بحرينـيـة
ثم داس خشمك فالثـرى بأقدامـه=وشـلـون ذقــت التـربـة الرمـلـيـة
هــذي نهـايـة كــل مـــن عـادانــا=نـتـيـجـةٍ مـحـسـومــةٍ حـتـمـيــة
واحسب حسابك ياحسن نصر الله=لا تجمـع الشيعـة عـلـى السنـيـة
تـرى القيامـة قايـمـه فــي درعــا=وبشـار مـا يقـدر عـلـى الشامـيـة
بـكــره بيـفـتـح بـابـاهــا بـالـقــوه=وتـبـا تطـيـح اســوارك الوهـمـيـة
وباب الشرف ماهـوب بـاب الحـارة=ابينـفـتـح فـــي ثــــورتٍ فـعـلـيـة
وبيـزحـفـون بجيـشـهـم لــديــارك=وارض الـجـنـوب تــعــود لبـنـانـيـة
يـاحــادي الـثــورات غـــن بـثــورة=ثــورة عــرب مـاهـيـب صهيـونـيـة
ياشعـب تونـس يامصـر يالمـغـرب=يـالـيـبـيــا لــبــنــان يــاســوريـــة
يامقـسـم الـســودان ياجيـبـوتـي=يـا اهـل اليـمـن فديـارنـا الأصلـيـة
يـا أهـل الجزايـر يالـعـراق البـاقـي=ياموريتـانـيـا يـالـشـعـوب الـحـيــة
يادولـة الصومـال يــا اهــل الاردن=جـزر القـمـر يالشمـعـة المطفـيـة
يا اهل الخليج بدون ذكـر اسامـي=ياشـعـوبـنـا يـالـعــزه الـمـنـسـيـة
متى يكـون الشعـب شعـب واحـد=ومـتــى تـقــوم الـثــورة الـكـلـيـة
ونـردد اسرائـيـل تسـقـط تسـقـط=تسـقـط حــدود الـدولــة العـبـريـة
وندخـل حـدود الـقـدس ونحـررهـا=وكـــذا تــتــم الـسـنــة الـكـونـيـة
[/poem]

اعجبتني ونقلتها لكم