مركز السوق السعودي - قـطــاع الـتـــامـيــــن بعـد دخـولـه في الايجابـيـه

السلام عليكم ورحمة الله وبركاته

مبروك عليكم ماحصل من عطاء للقطاع والقادم اجمل بحول الله الموجه لازالت في بداياتها واللي ما استفاد بيستفيد بس بشرط يختار له سهم ويقفل عليه ويترك التطبيل فمن غير المعقول يا اخوان كل من اشترى سهم قام يطبل لسهمه عشان يرتفع ؟؟ يعني اغفلو يرزقكم الله :)
على ايام التامين 1300 وانا اقول ان شركاته تصريف والهدف 980 ووقتها محد كان يحذر من التامين وانا مستعد اجيب لكم اقتباسات وروابط لمواضيع لي هنا ومواضيع بمنتدى مجاور
طبعا خلال هالفتره كان التامين يخضع لتصريف ثم بدا يشهد تجميع ووصينا على عدد من الاسهم وبعضها وفقنا فيه وبقوه والبعض للاسف لم نوفق كون القطاع لم يساعد اسهمه على الارتفاع والان بعد التحول للايجابيه بيكثرون اللي يوصون ولكن نصيحه لوجه الله لاتطامرون ادخلو مع جني الربح الحاصل
طبعا ذكرت سابقا انا القطاع لن تقوم له قائمه الا بتجاوز مقاوماته وابرزها 1153 وتم الاختراق ولكني فضلت التريث بعدم طرح اي توصيه عن القطاع الا بعد مايحصل الاختبار للاختراق وهاهو يعود من جديد للاختبار ولن ينزل عن 1140 الى 1150 باذن الله
لذلك استغلو اي ضغط للشراء الاسبوع القادم وانا بنتظركم عند 1250
في جعبتي حقيقة سهمين ولا اروع فنيا ومعلوماتيا :D ولكن فيه مواضيع عنهم بالمنتدى لذلك لن نطرحهم الان ولكن ان شئتم ذلك فانا بذكرهم في ثنايا الموضوع ومع العلم انهم معطين اهداف تساوي ربح 40%
طبعا توصياتي الماضيه في التامين اغلبها مضاربيه واللي محتفظ فيها لايبيع الخير جايكم
اما اسهمي القديمه وهي ثلاث اسهم فقط اكسا وسند والعربيه
وصينا عليها سابقا اكثر من مرره ولازلت اقول فيهم خير امسكوهم
اكسا فيها شيل من وقت ماكانت 45 قبل شهور ولازالو يجمعون فيها وباذن الله لهم طلوع فوق 50
سند وصيت عليه ب 27 وقلت لاحد يستعجل بالشراء بتلقونه باقل من اسعاره هذي ولازلت اقول سند سيكون له كلمه خاصة اذا تحركت صديقته الدلوعه ;)
العربيه بالذات حددت نقاطها قبل الكل وقلت قبل شهرين او ثلاثه اعتقد .. قلت اخر تعديل بين 20 و 22 ووصل السهم 21.50 وارتد واللي عدل بالسهم على كلامي يعتبر ربحان الان والسهم ليس للبيع والثلاثينات بتشوفونها بالسهم باذن الله
المهم اخر اقفال لقطاعكم 1160
منطقه ارتداد 1150-1145
هدف اول 1180