مشوره حول عده مشاريع اتفقنا وعلى بركة الله قروب الصاعد عددنا 10 اشخاص بتوفير 20 مليون ريال وكلنا مقربين من بعض ولا للخوف بإذن الله فهدفنا واحد والرزق على الله .اختلفنا في تحديد مشروع منهم من قال : نفتح شركة لموزين ونستخرج تصريح ونشتري 50 سياره حسب الانظمه منهم من قال : نشتري اراضي ونبني عليها ونبيعها بمكسب يرضي الطرفين منهم من قال:استيراد سيارات من امريكا وبيعها منهم من قال:تمويل الاشخاص بضمان الاستقطاع من الراتب ويكون البنك هو الشاهد احد عنده فكره ؟ ماهو الافضل برأيك؟ هل جربت احد هذه المشاريع؟ |
رد: مشوره حول عده مشاريع كلها مشاريع خسرانه اشترو جح وبيعو عند المساجد يوم الجمعه فقط اباسالك احدعنده عشرين مليون ويستشيربالمشايع مهبول انت مهبول |
رد: مشوره حول عده مشاريع ابو مقرن 20 مليون كل شخص بيدفع مليونين ،،،اختلفنا وباقي ما قررنا ومتى قررنا على شي ادخلتك شريك لا تشيل هم طرحت موضوعي ربما اجد احد اشتغل في هالمشاريع ولديه خبره |
رد: مشوره حول عده مشاريع شركات اللموزين 20 مليون تفتح 5 شركات بالراحه ولو جينا لمشروع العمائر ب20 نقدر نعمر 15 عمارة او فله ونبيعها بمكسب ولو جينا لمشروع الاستيراد اقل شي نحصل في السيارة مكسب 5% ولو جينا لمشروع التمويل وانا معترض على هذه الفكرة رغم ان 4 اشخاص موافقين بنحصل برضه مكسب اختلفنا وطرحت هذه المشاريع فربما يقنعني احد عنده خبره ونستفيد ----------------------------------------------------------------------------------------------------- |
رد: مشوره حول عده مشاريع مصنع كلادينج .. فيه خير كثير .. الكلادينج راح يقررونه ويلزمونه البلديات على المحلات في السنوات المقبله ومصنع الكلادينج مافيه بالمملكه أظن إلا ثلاثه عليه سحب بالهبل .. والمتر المربع قرابه 250 ريال .. هذي على عجاله .. وانت إسأل واستفد |
رد: مشوره حول عده مشاريع اذا تبي اشغلها لك في اعمال خيرية ... حاضريييييييييييييين تنفعك يوم لا اله الله بدل ما تضيييييييييييييع عليك عل الفااااااضي ... |
رد: مشوره حول عده مشاريع ابحث عن فكرة صناعية وانشاء مصنع وانصحك بالادوية |
رد: مشوره حول عده مشاريع او مدرسة اهلية |
رد: مشوره حول عده مشاريع احسن مشروع شراء اراض خام و اقامة فلل سكنية مصغره وبيعها بتدر عليكم اضعاف ولافيها دوخة رأس مثل الليموزينات والعمال ذا يصدم وذا يهرب وذا ينتحر وذا ينام وذا الخ والاقساط حلوه لكن فائدتها على المدى البعيد وفيها عوائق اولها انتشار شر كات التقسيط بشكل رهيب السنوات الاخيره استيراد السيارات يبي لك ناس مختصين هناك وهنا وفيه قروشه فيه مشروع اخر فكرو فيه 20 مليون مبلغ كبير يفتح لكم مراكز تموين كبيره في مناطق كبيره مثل الرياض يحتاج الى دراسه واختيار مواقع مناسبة واشراف مباشر منكم مع كادر عاملين مؤهلين راح يدر عليكم ذهب بالتوفيق |
رد: مشوره حول عده مشاريع اقتباس:
لا بد من الصدقه سوا على التاجر او حتى الفقير حتى يبارك الله له وعسا الله يبارك لنا في اعطى |
الساعة الآن 02:46 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir